Достапни линкови

По Пивофест во Прилеп се пребројуваат испиените литри пиво


Босанскиот бенд Дубиоза Колектив свири на Пиво фест во Прилеп 2012.
Босанскиот бенд Дубиоза Колектив свири на Пиво фест во Прилеп 2012.

Јубилејниот 10-ти по ред Пивофест беше одлична можност за заработувачка и профит на сите дуќанџии, хотелиери, малостопанственици, но и одлична забава за сите посетители.

На пеколни горештини, под шатори каде се точи ладно пиво и се пече вкусна скара 4 дена во центарот на Прилеп се разладуваа, релаксираа, уживаа стотици илјади гости од земјава и странство. Јубилејниот 10-ти по ред Пивофест беше одлична можност за заработувачка и профит на сите дуќанџии, хотелиери, малостопанственици.
Гостите од Драма од Грција, сакаат да имаат едночасовна средба со мене, сакаат да организираат и тие фестивал на пиво, разбрале дека Пивофест во Прилеп е најдобар на Балканот. Има доста странци од европските држави, гледам дека на секој чекор ме сретнуваат луѓе коишто иселеници, а својот одмор го токмат да го поминат токму со Пивофестот.
Марјан Ристески, градоначалник на Прилеп.

„Очекуваме да го надминеме рекордот на продадени пива, точени и пошто долго се намавме појавено, сега за прв пат се појавуваме. Мислам дека има позитивина енергија, супер е, многу е добро“, оцени Спасе Костоски, вработен во една од брендираните пиварници кои имаа штандови годинава.

Во градот нема ниту слободно место во 3-те хотели. Менаџерот на хотел „Сонце“, тврди дека местата биле резервирани месец пред тоа. „Пивофест“ е можност за користење на бизнис искуства и воспоставување соработка и со општините од регионот.
Отворање на Пиво фест во Прилеп 2012. Градоначалникот Марјан Ристески.
Отворање на Пиво фест во Прилеп 2012. Градоначалникот Марјан Ристески.

„Гостите од Драма од Грција, сакаат да имаат едночасовна средба со мене, сакаат да организираат и тие фестивал на пиво, разбрале дека Пивофест во Прилеп е најдобар на Балканот. Има доста странци од европските држави, гледам дека на секој чекор ме сретнуваат луѓе коишто иселеници, а својот одмор го токмат да го поминат токму со Пивофестот“, вели градоначалникот Марјан Ристески.
Значи секоја година е многу организирано, многу е забавно, има гости од сите градови кај нас тука за Пивофестот, и годинава е уште подобро од лани.
Посетител на Пивофест.

Многу граѓани своите станови, делови од куќи ги издаваат под наем за 4-те фестивалски дена. Заработуваат по неколку стотици евра, што е рамно на висината на нивната месечна заработувачка во прилепските дуќани и конфекции. Од друга страна оваа манифестација е одлична можност за забава на младите.

„Значи секоја година е многу организирано, многу е забавно, има гости од сите градови кај нас тука за Пивофестот, и годинава е уште подобро од лани“, изјави оваа млада девојка, која се забавуваше со своите пријатели крај бината каде што секоја вечер се одржуваа настапи на познати македонски и балкански ѕвезди.

„Доаѓам втор пат овде и многу ми се допаѓа, организацијата е супер, се е ок, баш е добро, пивото“, во весела атмосфера ни изјави гостинот од Србија, којштто со своето друштво кампуваше во паркот на Могилата на непобедените.

Пивофестовската журка изминува, се средуваат впечатоците се пребрјуваат изпиените литри пиво и килограми скара, возилата кои допатуваа во градот. Се помина во најдобар ред, се очекува дека годинава се надминати ланските рекорди од 119 килограми скара и 248 литри пиво.
  • 16x9 Image

    Моника Талеска

    Моника Талеска е дипломиран новинар на Интердисциплинарните студии по новинарство во Скопје. Од 2001-та година е дописник на Радио Слободна Европа. Освен тоа, постојан дописник е и на телевизија Телма. Работела како новинар, главен уредник и директор во поранешниот локален Центар за печат, радио и телевизија- Прилеп. 

XS
SM
MD
LG