Достапни линкови

Грчката полиција трага по осомничена двојка терористи


Грчката полиција соопшти дека трага за маж и жена кои побегнале за време на судскиот процес против нив. Тие се осомничени за членство во екстремна левичарска терористичка организација. На Никос Мазиотис и неговата сопруга Панајоти Рупа им се суди, заедно со уште шест осомничени, за членство во организацијата Револуционерна борба, позната по тоа што нејзините членови во 2007 година истрелаа граната врз зградата на Американската амбасада во Атина. Сопружниците, кои признаа дека се членови на групата, беа ослободени од затвор во октомври 2011 година, откако во притвор поминаа максимални 18 месеци.
XS
SM
MD
LG