Достапни линкови

Ќе се реконструира родната куќа на Ѓорче Петров


Родната куќа на македонскиот револуционер Ѓорче Петров во прилепската населба Варош.

Родната куќа на македонскиот револуционер Ѓорче Петров во прилепската населба Варош.

Градот Прилеп ќе ја реконструира куќата на Ѓорче Петров, што се наоѓа во прилепската населба Варош. Годинава ќе се работи на уредување на платото пред куќата, а ќе се постави и споменик на Петров.

Прилепската локална самоуправа ќе ја реконструира родната куќа на македонскиот револуционер Ѓорче Петров, што се наоѓа во прилепската населба Варош.
Таа е приватна сопственост сега, на фамилија којашто живее во Варош, треба да се расчистат и тие односи. Ние имаме идеен проект и во иднина изнаоѓање на средства, може да се направи комбинација од буџетот на Министерството за култура и локалната самоуправа и да се пристапи кон изградба на една таква куќа.

Целосно руинирани овие остатоци од некогашниот објект, шират непријатен мирис во околината. Тие се обраснати со треви. Се наоѓаат во приватна сопственост. Сопствениците очигледно не покажуваат интерес за овој објект. Тие со години, категорично одбиваат да говорат на оваа тема. Но, локалните власти сега имаат и идејно решение за реконструкција на родната во спомен куќа.
Делови од родната куќа на македонскиот револуционер Ѓорче Петров во прилепската населба Варош

Делови од родната куќа на македонскиот револуционер Ѓорче Петров во прилепската населба Варош


„Таа е приватна сопственост сега, на фамилија којашто живее во Варош, треба да се расчистат и тие односи. Ние имаме идеен проект и во иднина изнаоѓање на средства, може да се направи комбинација од буџетот на Министерството за култура и локалната самоуправа и да се пристапи кон изградба на една таква куќа“, изјави градоначалникот Марјан Ристески.
Локалната самоуправа значи го изработи споменикот во негова чест, којшто ќе биде поставен во централното градско подрачје со што ќе се оддаде една голема почит од сите нас прилепчани, Македонци кон оваа голема личност во македонската историја.

Годинава ќе се работи на уредување на платото пред куќата во Варош. Естетски и хортикултурно ќе се среди просторот пред влезот на куќата, на македонскиот револуционер, на еден од најзначајните идејни творци на Македонската револуционерна организација. Зашто оваа локација е често посетувана од бројните туристи. Освен тоа деновиве ќе се постави и споменик на Петров.

„Локалната самоуправа значи го изработи споменикот во негова чест, којшто ќе биде поставен во централното градско подрачје со што ќе се оддаде една голема почит од сите нас прилепчани, Македонци кон оваа голема личност во македонската историја“, истакнува градоначалникот Ристески.

Споменикот на Ѓорче Петров е дел од споменичните обележја што ги поставува локалната власт во централното градско подрачје. Освен патеката на славните, во центарот на градот се поставени споменици, на Методија Андонов Ченто, на Кузман Јосифоски-Питу и Марко Цепенков.

„Спрема годинешната програма предвидени се изработка на уште два нови споменици, кои ќе бидат поставени на литературниот плоштад,пред домот на културата Марко Цепенков, во близина на споменикот на Марко Цепенков, од бел прилепски мермер, ќе се изработат споменици на Блаже Конески и Круме Кепески“.

Како што вели Ристески со ова се заокружува еден проект за изградба на споменици на личности кои потекнуваат од Прилеп, а имаат значајно место во македонската историја, развој и култура.
  • 16x9 Image

    Моника Талеска

    Моника Талеска е дипломиран новинар на Интердисциплинарните студии по новинарство во Скопје. Од 2001-та година е дописник на Радио Слободна Европа. Освен тоа, постојан дописник е и на телевизија Телма. Работела како новинар, главен уредник и директор во поранешниот локален Центар за печат, радио и телевизија- Прилеп. 

XS
SM
MD
LG