Достапни линкови

Црвенковски и Георгиевски се обединуваат во борбата против Груевски? Кога е власта во прашање и големите навреди се забораваат.

Кога власта е во прашање, недоразбирањата се ставаат под тепих, навредите се забораваат, идеолошките разлики се пеглаат и биднува соработка, велат упатените „во ликот и делото“ на Бранко Црвенковски и Љубчо Георгиевски. Но каков ќе биде ефектот од нивната соработка кај „цврстото“ гласачко тело од двете страни?
И Црвенковски и Георгиевски ја одбележаа првата декада од независноста на Македонија. Ова денеска е еден политички настан кој сериозно ќе има одраз, сега кога се вагаат вака работите дали повеќе позитивни или негативни, јас би бил воздржан, затоа што во краен случај резултатите на локалните избори ќе покажат како изреагирало членството пред се на СДСМ, затоа што тоа е далеку побројно.

Поранешниот лидер на СДСМ, Владо Бучковски вели дека гласачкото тело на СДСМ позитивно ќе реагира, ако се има предвид дека станува јасно оти на СДСМ им требаат гласови од помалите партии ако сакаат да победат на изборите. Но тој потсетува на еден заклучок од конгрес на СДСМ во 2006-та , упатен на неговата тогашна соработка со приврзаниците на Георгиевски.
Црвенковски и Георгиевски при потпишувањето на Рамковниот договор во 2001 година.

Црвенковски и Георгиевски при потпишувањето на Рамковниот договор во 2001 година.


„СДСМ изгради еден став кој директно беше упатен како критика до мене, заради соработката што ја имавме во тој момент во Парламентот околу носењето на уставните измени. Стои конгресниот заклучок дека се создала конфузија кај гласачкото тело кое е верно на Социјал-демократскиот сојуз на Македонија.“

Бучковски очекува власта да ја зголеми негативната кампања и да ја оцрни евентуално новата коалиција. Но, вели дека средбата меѓу Црвенковски и Георгиевски е сериозен политички настан кој ќе има голем одраз.
Црвенковски и Георгиевски сметаат дека поголемо зло во моментот за Македонија е Груевски и неговото опкружување.

„И Црвенковски и Георгиевски ја одбележаа првата декада од независноста на Македонија. Ова денеска е еден политички настан кој сериозно ќе има одраз, сега кога се вагаат вака работите дали повеќе позитивни или негативни, јас би бил воздржан, затоа што во краен случај резултатите на локалните избори ќе покажат како изреагирало членството, пред се на СДСМ, затоа што тоа е далеку побројно.“

Професор Јове Кекеновски, кој во минатото беше во раководството на ВМРО-ДПМНЕ, вели дека поддржувачите и на едната и на другата опција нема да реагираат ништо посебно, затоа што оваа коалицијата долго време се најавува. Според него, проблем може да бидат оние кои ќе бидат затечени идеолошки од новата коалиција, но и на нив „ќе им се објасни“ дека спасувањето на Македонија е над сè.

„Дека во овој момент се работи за гол прагматизам, односно и Црвенковски и Георгиевски сметаат дека поголемо зло во моментот за Република Македонија е Груевски и неговото опкружување, отколку да се направи една коалиција на сосема две спротиставени страни, односно на луѓе кои до вчера исто така биле непријатели.“

Во политиката е дозволено сè, па и предизборен флерт меѓу луѓе кои кога зборуваа еден за друг не штедеа на навреди за наркоманија, алкохолизам или за психијатриски дијагнози.
  • 16x9 Image

    Пелагија Стојанчова

    Новинарската кариера ја започна како радио водител на музичка емисија во локалното радио во Кратово. Во 2008 година работеше како новинар за култура и образование во бесплатниот дневен весник Шпиц. Од јануари 2009 работи како дописник за Радио Слободна Европа.

Покажи ги коментарите

XS
SM
MD
LG