Достапни линкови

Месиќ: Да му се даде време на Николиќ


Стипе Месиќ

Стипе Месиќ

Поранешниот претседател на Хрватска Стипе Месиќ смета дека на претседателот на Србија Томислав Николиќ треба да му се даде одредено време „да се уигра и да се ослободи од хипотеките на минатото“. Во авторскиот текст за денешен новосадски „Дневник“ Месиќ оценува дека Николиќ веќе направил неколку политички пресврти во својата кариера, поради што не е исклучено таков маневар да направи и сега. Месиќ смета дека на Николиќ треба отворено да му се каже што кај него не може да се толерира и да му се остави „преоден рок“. „Во тој период ќе утврдиме дали имаме работа со Николиќ, четничкиот војвода, или со редизајниран Николиќ свесен за реалноста во која живее, и уште повеќе, за потребите на земјата на чие чело застана. Што се однесува на неговите желби и соништа, најдобро е да ги остави зад себе. Се живее и се работи во реалноста“, порачува Месиќ.
XS
SM
MD
LG