Достапни линкови

Најкоментирани протестите против „Монструм“


Протестите на неколку илјади Албанци против апсењата во врска со петкратното убиство кај Смиљковското Езеро се најкоментирани изминатата недела.

Информациите за минатонеделните протести во Скопје против апсењето во акцијата „Монструм“ буквално истуриле лавина ваши реакции, почитувани.
Од каде сте сигурни дека тие се тие и кој смее да каже дека некој сторил нешто, а уште не е суден, За жал, мојот народ е поголемо племе од нивното.
Коментар од читател.

„Ако ни е. Така и ни треба кога за ништо не се бориме“ - пишува слушател потпишан со Неврмајнд, за да дополни дека сме биле први за гласање, а кога требало да се протестира не немало ниту половина. (Веројатно, при ова, мислејќи на Македонците).„Нас и нашата политика ја води друг, не нашите политичари, ... признале или не, државата ја губиме“ - песимистички завршува овој испраќач на коментари.
За некој ден ќе се заташка случајот, ќе биди актуелно овие неколку дена и после ќе ги пуштат, а и се сомневам дека тие се виновни и дека војувале во Авганистан, како можи да му влегват дома на сред ноќ и да не извадат пиштол, пушка, а спијат, а и нема ни жена ни дете дома. Ова е све монтирано, демек ги најдовме виновниците!
Коментар од читател.

Една слушателка потпишана со Една со иронија прашува што бара зеленото знаме на чело на демонстрантите, ако уапсените не биле исламисти, а Хеартбуг порачува да сме научеле од тие протести што било организираност и контрола на ситуацијата.

Слушател потпишан мошне оригинално, со Сељачаана, реагира на неколку пораки, на пример, од Александра, Една, потоа некој МКД, во кои за уапсените со сигурност се зборува како за веќе докажани извршители и исламски радикалисти: „Од каде сте сигурни дека тие се тие и кој смее да каже дека некој сторил нешто, а уште не е суден, За жал, мојот народ е поголемо племе од нивното“ - разочарано коментира Сељачаана.

Васил Филипов воздржано и без емоции пишува дека ако одредена група е составена од терористи треба да се гони и да се казни според законот, без разлика на нивната етничка и религиска припадност.

Анонимен, кој својата порака ја напишал на некој мешан дијалект, барем според она што може да се прочита, смета дека демонстрантите со право протестирале. „За некој ден ќе се заташка случајот, ќе биди актуелно овие неколку дена и после ќе ги пуштат, а и се сомневам дека тие се виновни и дека војувале во Авганистан, како можи да му влегват дома на сред ноќ и да не извадат пиштол, пушка, а спијат, а и нема ни жена ни дете дома. Ова е све монтирано, демек ги најдовме виновниците!“ - ја завршува пораката Анонимниот.

Ице од Мајами и' забележува на министерката Јанкулоска што сите муслимани ги прикажала како терористи и вели дека не сите Албанци се терористи и што изјавила дека се фатени убијците, а се' уште немало судење. Како втора забелешка Ице пишува дека со протестот Албанците докажуваат дека се тоа што тврдат дека не се и дека ако имаат намера во Македонија да пробаат да прават нова албанска држава овој пат Америка ни Европа не ќе им помагале.

Столе лаконски коментира дека со протести не се решава ништо, само може да биде уште полошо.
  • 16x9 Image

    Горица Попова

    Родена е во Кочани, дипломирала во 1976 год. на Филозофскиот факултет во Скопје. Како новинар работи над 30 години. Почнала во Македонско радио- Радио Скопје во 1978 год. Од јуни 2009 год. е соработник на Радио Слободна Европа.

XS
SM
MD
LG