Достапни линкови

logo-print

Уапсени осомничени за петкратното убиство кај Смиљковци


Министерката Јанкулоска рече дека уапсените се следбеници на радикалниот ислам, кои војувале во Авганистан и во Пакистан.

Откриени се извршителите на петкратното убиство кај Смиљковското Eзеро. Како што соопшти министерката за внатрешни работи Гордана Јанкулоска врз основа на истражните докази се работи за следбеници на радикалниот ислам. Приведените војувале против НАТО војниците во Авганистан и во Пакистан. Најголемиот дел од вкупно 20-те приведени се македонски државјани од Скопје.
Меѓу овие 20 има лица кои се директно инволвирани во грозоморното убиство на Смилковското Езеро, но има и лица за кои немаме податок дека се од тие кои биле на лице место во критичниот момент. Се работи за лица од Скопје, лица кои се следбеници на радикалниот ислам.

„На територијата на градот Скопје, на различни локации, на повеќе локации, со лицата во моментот се работи и зависно од финалните квалификации до кои ќе дојдеме, понатаму ќе се процесуираат соодветни поднесоци или пријави за овие лица“, рече Јанкулоска.

МВР против нив ќе поднесе кривични пријави за тероризам.

„Меѓу овие 20 има лица кои се директно инволвирани во грозоморното убиство на Смилковското Езеро, но има и лица за кои немаме податок дека се од тие кои биле на лице место во критичниот момент. Се работи за лица од Скопје, лица кои се следбеници на радикалниот ислам, кој како таков е подеднаква закана и опасност и за припадниците на христијанската религија и за муслиманските верници и мотивите кои практично ги имаат овие лица при извршувањето на кривичните дела или при нивното дејствување се првенствено создавање на чувство на несигурност и страв кај граѓаните“, рече Јанкулоска.

На 12 април крај Смиљковското Езеро брутално беа убиени пет лица. Според досегашните информации на полицијата, младите луѓе се убиени од автоматско оружје од непосредна близина. По еден ден од убиството полицијата на 10 километри од местото на злосторството пронајде автомобил Опел омега за кој подоцна се потврди дека бил на местото на убиството и бил користен од убијците. Утринава МВР спроведе досега најсложена операција поврзана со Велигденскиот масакр кај Смиљковското Езеро која е наречена - Монструм.
  • 16x9 Image

    Мирјана Спасовска

    Родена е во Скопје 1971 година. Од 1996 та година работи во телевизиската кука А1. Од 1998 та година е во телевизијата Телма каде за централно информативната емисија известува за дневни социјално - општествени теми.  Во Радио Слободна Европа е од 2002 та година.  

Покажи ги коментарите

XS
SM
MD
LG