Достапни линкови

Македонија сака во НАТО, ама без решение за името


Премиерот Никола Груевски на средба со генералниот секретар на НАТО Андерс Фог Расмусен во Брисел на 25 јануари 2012 година.
Премиерот Никола Груевски на средба со генералниот секретар на НАТО Андерс Фог Расмусен во Брисел на 25 јануари 2012 година.

НАТО има еден услов за да ја прими Македонија. Властите, пак наместо решение, користат заобиколни патишта за влез.

Не е тајна дека НАТО веќе подолго време очекува Македонија да го реши спорот за името со Грција, за да добие покана за членство и тоа јасно се кажува. Поставувањето на барањето да се реши спорот со името со Грција, Алијансата го оправдува со носењето одлуки по пат на консензус.
Значи има една контрадикција во позицијата на двете страни, од една страна организацијата НАТО, и од друга страна позицијата на Македонија која преминува пред тоа и се обидува повторно на некој заобиколен пат да дојде до решение, што според мене јасно е дека е невозможно.
Денко Малески, професор.

Од друга страна, македонската позиција спроти Самитот на НATO во Чикаго е да води дипломатска офанзива користејќи ја пресудата од Хаг како клучен агрумент. Министерот Никола Попоски беше во неколку европски земји, а пратеничка група престојуваше во Вашингтон.

„Значи има една контрадикција во позицијата на двете страни. Од една страна организацијата НАТО и од друга страна позицијата на Македонија која преминува пред тоа и се обидува повторно на некој заобиколен пат да дојде до решение, што според мене јасно е дека е невозможно“, коментира професор Денко Малески од Правниот факултет во Скопје.

Меѓутоа ние влеговме во оваа стапица на правната победа што ја извојувавме во Хаг и сега по три години напорно работење на таа
Ако ги следиме информациите кои се достапни во јавноста, а само тие ги имаме, тоа значи изјавите на официјалните преставници на Алијансата, потоа во името на Вашингтон, изјавите што ги дадоа господинот Рикер, амбасадорот Волерс, може да се заклучи дека простор за оптимизам не постои.
Бранко Црвенковски, лидер на СДСМ.
победа немаме друг избор освен да водиме дипломатска и правна офанзива за политиката да покаже пред народот дека ги исцрпила сите можности и дека вината е и на другата страна, додава Малески.

Истовремено, премиерот Груевски даде изјава во која кажа дека во наредните пет години не треба да очекуваме никакво придвижување. Лидерот на СДСМ, Бранко Црвенковски, спроти самиот на НАТО во мај, најавите од власта во изминатиот период ги оценува како контроверзни.

Од една страна се обидуваат да го релативизираат Самитот и очекувањата на граѓаните, а од друга страна најавија дипломатска офанзива користејќи ја пресудата од Хаг како клучен аргумент пред Самитот, оценува Црвенковски. Меѓутоа тој заклучува дека дипломатската офанзива не ни почнала и посочува дека посетите на премиерот на Индија и Катар говорат за тоа.

„Ако ги следиме информациите кои се достапни во јавноста, а само тие ги имаме, тоа значи изјавите на официјалните преставници на Алијансата, на генералниот секретар Расмусен, потоа во името на Вашингтон, изјавите што ги дадоа господинот Рикер, амбасадорот Волерс, меѓутоа и оние информации кои доаѓаат од главните градови на другите клучни земји членки на Алијансата, може да се заклучи дека простор за оптимизам не постои“, изјави Црвенковски, кој е гостин во неделното интервју на Радио Слободна Европа.

Претседателот Ѓорге Иванов на конференцијата на Јадранската група и САД, повика НАТО, на самитот во Чикаго, да го преиспита заклучокот од Букурешт во однос на Македонија.

„Почитување на меѓународното право, на пресудата, на Привремената спогодба, налага во Чикаго да биде преиспитан заклучокот од Чикаго. Затоа се надеваме дека нашиот сосед, во духот на вредностите кои ги споделуваат членките на Алијансата, ќе ја почитува Привремената спогодба“, изјави претседателот Иванов.
  • 16x9 Image

    Мирјана Спасовска

    Родена е во Скопје 1971 година. Од 1996 та година работи во телевизиската кука А1. Од 1998 та година е во телевизијата Телма каде за централно информативната емисија известува за дневни социјално - општествени теми.  Во Радио Слободна Европа е од 2002 та година.  

XS
SM
MD
LG