Достапни линкови

logo-print

Собраниска делегација во Вашингтон бара подршка за прием во НАТО


Можностите за интегрирање на Република Македонија во НАТО била една од темите на синоќешните средби во Вашингтон на делегацијата на собраниската Комисија за надворешна политика, во чиј состав се Антонио Милошоски, Игор Ивановски, Дешира Имери и Павле Саздов, со конгресмените Бил Паскрел, Алсе Хастингс, Дејвид Дреер и Кендис Милер. Како што соопшти собраниската прес-служба, на средбите, била потенцирана нашата посветеност во овој процес, преку остварените реформски активности и учеството во меѓународните мисии на Алијансата. Пред конгресмените била претставена и одлуката на Меѓународниот суд на правдата, како еден од главните аргументи за членство на Република Македонија во Алијансата.
Делегацијата остварила средба и со претставници на Обединетата македонска дијаспора на која биле потенцирани нивните напори за промовирање на интересите на Република Македонија и заложбите за прием во НАТО. Пратениците за време на посетата се сретнале и со претставници на Меѓународниот републикански институт, како и со претставници на Националниот демократски институт.
XS
SM
MD
LG