Сите патишта на десничарските партии завршуваат во ВМРО-ДПМНЕ.
ВМРО се окрупнува, СДСМ се освежува
Помалите партии од десницата се припојуваат кон владејачката ВМРО-ДПМНЕ. Во СДСМ се формира Совет на ветерани со истакнати членови од минатото.
Нема повеќе ВМРО ваква, ВМРО онаква, ни Обединета, ни Македонска, сите се една иста ВМРО-ДПМНЕ, пообединета од секогаш. За само една недела кон матичната партија се вратија, прво Додовски и дел од членството на ВМРО-НП, потоа Обединета за која ретко кој се сеќава за која партија се работи и најновото Филип Петровски и приврзаниците на Демократската десница. Претходно, кон ВМРО-ДПМНЕ се припои и ВМРО-Македонска.
Во Република Македонија има доста политички партии кои се едноставно нерелевантни и кои не можат да опстојат на партиската сцена и бидејќи се забележува дека тоа е така, решаваат да се влеат во нивните сродни партии, од кои често и излегле.
Здравко Савески, универзитетски професор.
Окрупнувањето на политичката сцена е очекуван процес, вели професор Здравко Савески и додава дека тоа не треба многу да ја зачудува јавноста.
„Во Република Македонија има доста политички партии кои се едноставно нерелевантни и кои не можат да опстојат на партиската сцена и бидејќи се забележува дека тоа е така, решаваат да се влеат во нивните сродни партии, од кои често и излегле.“
Окрупнувањето на десницата предизвика коментари и на социјалните мрежи. Па така, луѓето инспирирани од тоа дека сите
Маријан Додовски кога го најави припојувањето кон ВМРО-ДПМНЕ
патишта на десничарските партии завршуваат во ВМРО-ДПМНЕ, ќе забележат:
„И тие шо беа во ВМРО-ДПМНЕ уште еднаш ќе преминат во ВМРО-ДПМНЕ, за секој случај.“
„На пример, ако сакам да преминам во ВМРО-ДПМНЕ, лопата тие ќе ми дадат или сам треба да си купам?“
Старите Словени всушност не биле Стари Словени, тоа биле Антички Македонци кои преку Карпатите преминале во ВМРО-ДПМНЕ.
Коментар од Фејсбук.
„Старите Словени всушност не биле Стари Словени, тоа биле Антички Македонци кои преку Карпатите преминале во ВМРО-ДПМНЕ. “
„И пратениците од ДУИ се интегрираа во ВМРО-ДПМНЕ.“
„Уште СДСМ фали да се припои кон ВМРО-ДПМНЕ, па ќе завладее вистинска демократија.“
Десницата се окрупнива, а опозицискиот СДСМ на пиедестал ги враќа старите кадри. Со Совет на ветрани, СДСМ сака да извојува политичка битка против Груевски, објави партијата. Мирослав Грчев, Никола Поповски и Софија Тодорова ќе бидат јадрото на Советот, кој за цел ќе има да ги покрене сите интелектуалци против власта. Во Советот, меѓу другите се и Илинка Митрева, Тале Герамитчиески, Благоја Стефановски, Никола Ќуркчиев, Ѓунер Исмаил, Александар Гештакоски.
На СДСМ му треба одредено освежување, и на идеолошки и на прагматско-политички план, вели Савески.
„Она што малку фрла сомнеж на сето тоа е како преку постари кадри, да се изведе тоа освежување и времето ќе покаже дали тоа освежување во СДСМ ќе го донесат постарите нивни кадри.“
Новинарската кариера ја започна како радио водител на музичка емисија во локалното радио во Кратово. Во 2008 година работеше како новинар за култура и образование во бесплатниот дневен весник Шпиц. Од јануари 2009 работи како дописник за Радио Слободна Европа.
