Достапни линкови

Американски маринец виновен за смртта на цивили во Ирак


Наредникот Френк Вутерич

Наредник на американските маринци се изјасни за виновен за занемарување на службената должност за време на еден инцидент од 2005 година во Ирак, во кој загинаа 24 Ирачани. Наредникот Френк Вутерич се изјасни за виновен за време на постапката, со што заврши најголемиот кривичен предмет против американски војник за војната во Ирак. Вутерич се соочува со три месеци затвор. Во тој период нема да прима плата и ќе биде деградиран во обичен војник. Во постапката првично беа обвинети 8 маринци. Обвинителите рекоа дека тој изгубил контрола откако негов пријател загинал во експлозија на мина и го предводел својот тим во акција во две куќи во градот Хадита. Меѓу убиените имало деца, жени и старци. Вутерич тврди дека дејствувал согласно воените правила.
XS
SM
MD
LG