Достапни линкови

Пораз од Германија, шанса во натпреварот против Чешка


Македонски навивачи во Ниш.

Македонски навивачи во Ниш.

Шансата за влез во наредната фаза, меѓу 12 најдобри репрезентации на стариот континент, македонските ракометари ќе ја бараат в четврток на мечот со Чешка.

Македонската машка ракометна репрезентација изгуби од Германија со резултат 24:23 во вториот натпревар од ЕП во Србија, што се играше во Ниш. Македонија не успеа да го реализира последниот напад и да се избори за нерешен резултат.
Македонската ракометна репрезентација.

Македонската ракометна репрезентација.


Резултатот преку целиот натпревар беше тесен, а полувремето заврши нерешено 12:12.
Македонија се среќава со Чешка, а Германија со Шведска, в четврток, во последното трето коло од првата фаза од натпреварите.

Најефикасен во македонскиот тим беше Кире Лазаров со 7 голови. Пикерот Стојанче Стоилов даде 6, а Наумче Мојсовски 4. Вредни за споменување се и 11 одбрани на голманот Петре Ангелов.

Најефикасен кај Германците беше Ларс Кауфман со 6 голови.

Шансата за влез во наредната фаза, меѓу 12 најдобри репрезентации на стариот континент, македонските ракометари ќе ја бараат в четврток на мечот со Чешка.

Како и на првиот меч пред два дена против Шведска, салата Чаир во Ниш повторно беше обоена во црвено-жолта боја. Натпреварот во живо го следеа повеќе од три илјади македонски навивачи.

Во групата Б што се игра во Ниш, освен Македонија и Шведска играат уште и Чешка и Германија.

Во првото коло, Чешка направи изненадување и ја совлада Германија со 27:24, а Македонија одигра нерешено со фаворизираната Шведска 26:26.

Вечерва во 20:15ч. играат Чешка – Шведска.

Македонија се среќава со Чешка, а Германија со Шведска, в четврток, во последното трето коло од првата фаза од натпреварите.

На Европското првенство играат 16 репрезентации во 4 групи. Најдобрите три од секоја група продолжуваат во втората фаза, каде што ќе формираат две групи од по 6 репрезентации. Потоа најдобрите 4 репрезентации од секоја група ќе се вкрстат во четвртфиналето.
  • 16x9 Image

    Срѓан Стојанчов

    Новинарската кариера ја започна како новинар во внатрешно-политичката рубрика на дневниот весник Шпиц во 2008 година. Роден е на 27.10.1981г. во Скопје. Од февруари 2009 работи како постојан дописник за Радио Слободна Европа од Скопје.

XS
SM
MD
LG