Достапни линкови

Снегот наместо да донесе економски препород за угостителските објекти на Пелистер, ја завеа зимската туристичка сезона.

Угостителите се жалат дека планинскиот патен правец до детското одморалиште и хотелот Молика не се одржува редовно од страна на „Македонија пат“. Поради тоа туристите не можат да се сместат во објектите, а хотелскиот персонал мора да пешачи низ планина за да стигне на работа. Посетителите реагираат дека вака туризам не се развива.
Многу тешко, секоја година не изненадува снегот. Дури да заврши зимата веројатно ќе научиме како се чистат патиштата.

„Има најава дека патот нема редовно да се чисти. Ова не е квалитетно чистење за да се прави туризам. Ова е срамота, многу сме разочарани“, вели еден посетител.

Друг пак додава:

„Многу тешко, секоја година не изненадува снегот. Дури да заврши зимата веројатно ќе научиме како се чистат патиштата.“

Поради непристапниот пат, полн автобус со албански туристи ја откажа посетата во хотелот Молика. Грчките посетители, пак, за време на божиќните празници не можеле да го напуштат хотелот и да го посетат Охрид.

„Апел до надлежните институции за
Секој ден кај нас е загуба. Излегуваме несериозни, не знаеме кој ќе ја надомести штетата? Пробаа нешто да прават, но очигледно техниката не е на ниво на кое треба да биде за вакви услови.

редовно одржување на патот имајќи предвид колку е важна зимската сезона сега за Пелистер кога се направија сите напори да има скијање на Пелистер“, вели директорката на хотелот Мирјана Митревска.

Во детското одморалиште Пелистер беа приморани да ја одложат првата смена со 250 деца од земјава кои требаше да допатуваат на зимување.

„Треба да се замислиме и да преземеме се, Пелистер, со кој сите се гордееме, а го немаме ставено во приоритети, да го добие местото што го заслужува. Секој ден кај нас е загуба. Излегуваме несериозни, не знаеме кој ќе ја надомести штетата? Пробаа нешто да прават, но очигледно техниката не е на ниво на кое треба да биде за вакви услови. Каде е возилото, се слуша дека имало дефект, ако се чекаше тој да се поправи една цела година, навистина е несериозна работа“, изјави Љупчо Спирковски, деректор на одморалиштето.

Од „Македонија пат“ соопштија дека интервенциите биле отежнати заради временските услови, а истото возило се користело за чистење на Пелистер и Крушево.
  • 16x9 Image

    Жанета Здравковска

    Родена во Битола на 15.01.1977 година. Дипломирала на Педагошкиот факултет во Битола во 1999 година, а магистерски студии завршила на постдипломските студии по менаџмент на човечки ресурси на Институтот за социолошки и политичко- правни истражувања во Скопје. Работела како новинар во повеќе локални редакции во Битола, а за Радио Слободна Европа известува од 2002 година. 

XS
SM
MD
LG