Достапни линкови

logo-print

Ердоган со критики до Франција


Турскиот премиер Реџеп Таип Ердоган

Турскиот премиер Реџеп Таип Ердоган

Турскиот премиер Реџеп Таип Ердоган денеска ја критикуваше Франција поради најавите дека францускиот парламент ќе го криминализира негирањето дека масовното погубување на Ерменци за време на Првата светска војна е геноцид.

Ердоган денеска изјави дека францускиот парламент треба да ја истражува својата „валкана историја“, наведувајќи дека земјата е виновна за смртта на илјадници лица во Алжир и Руанда.
Турција го отфрла користењето на поимот „геноцид“ во однос на масовното убивање на Ерменци од османлиските Турци при распадот на нивната империја, пред повеќе од 90 години.
Долниот дом на францускиот парламент на 22 декември ќе го разгледува предлогот што може да го изедначи негирањето на ерменскиот геноцид со негирањето на Холокаустот.
Ердоган предупреди на „тешки последици“ во билатералните односи доколку се донесе предлог законот, а турски дипломат изјави дека нивниот амбасадор ќе биде отповикан.
XS
SM
MD
LG