Со изведба на претставата на МНТ Свадбата на фигаро во режија на Леван Цуладзе, ќе биде отворена новата зграда на Народниот театар Гевгелија.
По цели две децении Гевгелија е на прагот на возобновување на театарскиот живот во градот. Со 500.000 евра помош од Европската комисија во Република Македонија и 150.000 обезбедени од локалната самоуправа, обновена е некогаш репрезентативната зграда на Народниот театар изградена 1955 година кога во градот делувал и полупрофесионален ансамбл.
Зградата на новиот театар во Гевгелија
Во седумдесеттите години на минатиот век во овој објект е формирано КУД Јосиф Јосифовски Свештарот во чии рамки, со помош на познатиот драмски уметник Мите Грозданов се поставуваат претставите Црнила, Вечни студенти, Алат, Јама и други. Освен на матичната сцена овие пиеси биле играни во повеќе градови во Македонија и тогашна Југославија, притоа освојувајќи неколку награди и јавни признанија. Друштвото долго време било носител и на сите други културни активности во градот се до 1995 година кога пожар ја уништува дотогаш убавата зграда на Народниот театар.
Гевгелија за 2011-та е град на културата. Веќе над 130 настани од областа на културата се случија во Гевгелија и тоа е намерата да се продолжи за почеток со гостувања на театри, а понатаму ќе се организираме за почеток можеби аматерски а намерата е да помине во професионален театар.
Иван Франгов, градоначалник на Гевгелија.
„На 13 ноември минатата година, кога со поранешниот амбасадор на Европската унија г-дин Ерван Фуере, ја посетивме Гевгелија во пресрет на започнувањето на работите почувствувавме дека наспроти оштетувањата на објектот духот на театарот сеуште присутен и живее во него“, ќе забележи Ингрид Сагер, втор секретар во Делегацијата на ЕУ во земјава.
Градоначалникот Иван Франгов потенцира дека зградата како зграда не е ништо ако не биде ставена во функција, па затоа во годината кога Гевгелија е град на културата најавува и формирање на професионален театарски ансамбл.
Поранешниот амбасадор на ЕУ Ерван Фуере го читира Хамлет на сцената на театарот, 2010 година.,
„Гевгелија за 2011-та е град на културата. Веќе над 130 настани од областа на културата се случија во Гевгелија и тоа е намерата да се продолжи за почеток со гостувања на театри, а понатаму ќе се организираме за почеток можеби аматерски, а намерата е да помине во професионален театар.“
Во таквите намери од голема помош ќе биде започнатата соработка на локалната самоуправа со Македонскиот народен театар, установа со која што е потпишан двегодишен договор за соработка. За ова уметничкиот директор и режисер Дејан Пројковски со констатација:
„Европската практика вели еден театар да заживее вистиснки потребни се помеѓу 3 и 7 години. Меѓутоа македонскиот народен театар, драмскиот театар и сите театри во Македонија стоиме на располагање во внимателното би рекол создавање и гаење на тој театарски живот во Гевгелија. “
Инаку, по изведбата на Свадбата на Фигаро претставата на МНТ чија премиера беше на манифестацијата Охридско лето и која неодамна со успех беше прикажана во Грузија, во Народниот театар во Гевгелија до крајот на оваа календарска година ќе биде прикажана и Фани-мани на Театар 007 и ќе се одржи вечер посветена на уметникот Илија Џаџев.
Како новинар, водител и уредник Јолевски во новинарството е безмалку 4 децении. Кариерата ја почнал во Млад Борец на почетокот од 1980-тите. Потем долги години бил во Телевизија Скопје и во Македонското радио - Втора програма, како и во други медиуми. Во Радио Слободна Европа Јолевски е од самиот почеток на емитувањето на програмата на македонски јазик.
