Достапни линкови

Десетици повредени на протестите во Грција


Демонстрант фрла молотов коктел кон полицијата пред грчкиот парламент на денешните протести во Атина.

Демонстрант фрла молотов коктел кон полицијата пред грчкиот парламент на денешните протести во Атина.

Околу 1.500 ученици од средни училишта и студенти демонстрираа денеска во Атина во спомен на 16-годишното момче кое загина од полицијата пред три години во кварт во грчкиот главен град.

На демонстрациите имаше и инциденти - млади луѓе фрлаа со Молотови коктели и камења врз полицијата коja одговори со солзавец. Според грчките медиуми, 14 полицајци се ранети, а 15-на демонстранти се приведени. Во немирите се оштетени продавници и банки.

Младите луѓе истовремено протестираа и против економските мерки за штедење и против полицијата, јавуваат локалните медиуми. За вечерва се закажани нови демонстрации во Атина. Демонстрации имаше и во Солун.

Алексис Григоропулос беше застрелан од полицијата на 6 декември 2008 година и тој настан предизвика бран улични насилства кои траеја повеќе од еден месец. Полицаецот што го уби 16-годишното момче доби доживотен затвор.
XS
SM
MD
LG