Достапни линкови

Косовскиот премиер е против размена на територии со Србија


Косовскиот премиер Хашим Тачи.

Косовскиот премиер Хашим Тачи изрази загриженост поради изјавата на пратеникот од Демократската унија на Косово Љутви Хазири дека Белград и Приштина треба да си разменат територии од Северно Косово и Јужна Србија.

„Поделбата на територијата на Косово и вакви слични идеи се многу опасни“, изјави Тачи.

Косовскиот премиер нагласи дека Владата и меѓународните претставници во земјата се загрижени од разгледување на идејата за поделба на Косово и побара објаснување дали изјавата на Хазири е негово лично мислење или пак на неговата партија, која е главна опозициска партија.

Лидерот на Демократската унија на Косово Иса Мустафа изјави дека идејата на Хазири за промена на границите не е став на партијата, туку негово лично мислење.
XS
SM
MD
LG