Достапни линкови

logo-print

Програма „Форуми во заедницата“


Од спроведувањето на програмата „Форуми во заедницата“ во Дебар.

Од спроведувањето на програмата „Форуми во заедницата“ во Дебар.

Поддршка на општините и вклучување на граѓаните во донесувањето на одлуки на локално ниво, е целата на програмата „Форуми во заедницата“.

Програмата Форуми во Заедницата која во Република Македонија стартуваше во 2006 година и е финансирана од страна на Швајцарската Агенција за развој и соработка, до сега е спроведена во 37 општини. Главна цел на оваа програма е подршка на развојот на заедницата на локално ниво и учеството на граѓаните во донесувањето на одлуки на локалните власти за приоритетните проекти.
Инаку форумите перетставуваат алатка за вклучување на граѓаните во донесувањето на одлуки на локално ниво. Во Дебар се спроведени три форуми и активноста е мошне добра.

Форумите во заедницата опфаќаат голем број граѓани, а во три општини во Македонија, меѓу кои и Дебар, учествуваа дури по три пати во оваа програма, вели Кристина Хаџи - Василева, раководителка на Единицата за координирање на форумите во нашава земја.

„До сега во програмата се вклучени 37 општини, а се спроведени 43 форуми. Бројот на општините и форумите не се поклопува поради тоа што во неколку општини се спроведени повеќе форуми, додека во други има и регионални активности на форумите, каде што две општини заедно спроведуваат еден форум. Инаку форумите перетставуваат алатка за вклучување на граѓаните ​во донесувањето на одлуки на локално ниво. Во Дебар се спроведени три форуми и активноста е мошне добра“, вели Хаџи-Василева.
Кристина Хаџи-Василева, раководителка на Единицата за координирање на форумите во заедниците.

Кристина Хаџи-Василева, раководителка на Единицата за координирање на форумите во заедниците.


Таа додава дека со програмските форуми покриени се 46 насто од населението во Македонија, додека пак што се однесува до покриеноста на територијата таа изнесува дури 56 насто.
Задоволни сме поради фактот што голем број граѓани се вклучени во проектните активности во одлучувањето и даваат насока во спроведување на приоритетните проекти.

Во финансирањето на проектите кои ги избира локалната власт, заедно со граѓаните на форумските сесии добар дел од средствата ги обезбедува и самата општина од својот годишен буџет.

Единицата на локалната самоуправа на Дебар е задоволна од ефектите на Форумите и програмата во целина, оценува советникот во општина Дебар, Или Мирзо.

„Ние како општина сме многу задоволни од Форумите. Задоволни сме поради фактот што голем број граѓани се вклучени во проектните активности во одлучувањето и даваат насока во спроведување на приоритетните проекти кои треба да ги има Буџетот на општината.“

Граѓаните на Форумите учествуваа масовно и даваат бројни предлози во донесувањето на одлуките за приоритетните проекти, кои потоа се реализираат. Во изминатите три Форуми, Дебар реализираше неколку значајни проекти во сферата на инфраструктурата и образованието.
  • 16x9 Image

    Кенан Мимидиновски

    Кенан Мимидиновски, роден 1954 во Дебар. Завршил Правен факултет во Скопје, а со новинарство професионално се занимава 30 години. Најпрвин во Радио Дебар како новинар, а подоцна 12 години и како главен и одговорен уредник . Дописник на Радио Слободна Европа од Дебар е од 2001 година.

XS
SM
MD
LG