Достапни линкови

logo-print

Евролидерите договорија план за спас од кризата


Лидери на Европската унија постигнаа договор за запирање на должничка криза. Планот што беше објавен изутрината во Брисел, меѓу другото, вклучува и 50-процентно отпишување на грчкиот долг во вредност од 100 милијарди евра, како и спасувачки фонд од трилион евра.

Германската канцеларка Ангела Меркел и францускиот претседател Никола Саркози по самитот оценија дека одлуките донесени во Брисел ќе бидат поздравени во светот.
Мислам дека резултатот ќе биде пречекан од целиот свет, кој очекува силни одлуки од еврозоната.

„Имавме долга и интензивна, но плодна дискусија. Прво во рамките на 27 земји, а потоа во рамките на 17 земји на еврозоната. Свесна сум и сите се свесни дека целиот свет бараше ваква средба на која покажавме дека можеме да се заштитиме од оваа длабока економска криза“, изјави Меркел.

Таа додадава дека Европа ги донесе вистински мерки. Иста е и оценката на Саркози кој наведе дека станува збор за многу важни одлуки.

„Комплексноста на работите за кои се дискутираше и за кои беше потребна согласност од сите направија оваа ноќ да биде долга. Мислам дека резултатот ќе биде пречекан од целиот свет, кој очекува силни одлуки од еврозоната.“
Целиот свет бараше ваква средба на која покажавме дека можеме да се заштитиме од оваа длабока економска криза.

Европските лидери се согласија за проширување на Фондот за финансиско спасување и сега тој би требало да изнесува илјада милијарди евра.

Овој Фонд треба да помогне да се заштитат поголемите економии како Италија и Шпанија од пазарните притисоци кои ја турнаа Грција во ситуација да биде спасувана од банкрот.

„Доволен заштитен ѕид против заразата, и тоа благодарение на договорот за петкратно мултиплицирање на моќта на фондот за спасување. Тој може да достигне до билион евра под одредени пазарни услови и инвеститорска одговорност во поглед на економските политики“, наведе претседателот на Европската унија, Херман Ван Ромпуј.
Она што го имаме на крајот од денот е сеопфатен план. Постои многу солидно вклучување на приватниот сектор во Грција. Постои програма за докапитализација на банките, а тука е Фондот за европска финансиска стабилност.

Тој прецизира дека со договорот ќе се намали долгот на Грција до 120 отсто од бруто домашниот производ во 2020 година. Според сегашните услови, тој би требало да се зголеми за 180 проценти.

Ромпуј, исто така, рече дека еврозоната и Меѓународниот монетарен фонд ќе и дадат на Грција уште 100 милијарди евра. Грчкиот премиер Јоргос Папандреу оцени дека со 50-процентното простување, сега дологот на Грција е одржлив.

Шефицата на Меѓународниот монетарен фонд Кристин Легард изрази задоволство од постигнатото на самитот во Брисел.

,,Она што го имаме на крајот од денот е сеопфатен план. Постои многу солидно вклучување на приватниот сектор во Грција. Постои програма за докапитализација на банките, а тука е Фондот за европска финансиска стабилност кој ќе претставува добра основа за зајакнување на одбраната на Европа“, изјави Легард.

Таа особено го потенцира, како што рече, јасниот политички консензус за подобра економската и фискалната интеграција на Европа.
  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG