Достапни линкови

Тетовскиот градоначалник ќе ги решава проблемите на Советот


Совет на општина Тетово.

Совет на општина Тетово.

Градоначалникот на општина Тетово, Сади Беџети, најавува дека ќе се ангажира за смирување на тензиите во општинскиот Совет поради затегнатите односите меѓу власта и опозицијата.

Со ангажирање на градоначалникот на општина Тетово, Сади Беџети, ќе се средуваат односите меѓу власта и опозицијата во општинскиот совет. Релациите меѓу советничките групи на опозицијата и власта, кои веќе подолго време се затегнати беа тема и на разговорот меѓу министерот за локална самоуправа, Невзат Бејта и градоначалникот Сади Беџети.
Со градоначалникот разговаравме и за проблемите во советот, верувам дека проблемите ќе се надминат, затоа ќе се ангажира градоначалникот и проблемот со бојкотот на опозицијата се надевам дека ќе се надмине.

Според министерот Бејта, соработката меѓу сите субјекти во советот е неминовна, а се во интерес на граѓаните.

„Со градоначалникот разговаравме и за проблемите во советот, верувам дека проблемите ќе се надминат, затоа ќе се ангажира градоначалникот и проблемот со бојкотот на опозицијата се надевам дека ќе се надмине бидејќи неминовно е да се соработува, затоа што тоа е во интерес и на општината и на граѓаните.“

Генералниот урбанистички план е проблемот околу кој најмногу се кршат копјата меѓу советниците од власта и опозицијата во советот на општина Тетово. Од советничката група на ДПА реагираат зашто речиси четири месеци не е ставена ниту една точка на дневен ред на советот, а која се однесува на барања за промена на урбанистичките планови. Според претседателот на Советот, Ирфан Емини, на претходните седници било договорено барањата се разгледуваат постапно на секоја од седниците.
Верувам дека ќе имаме почести средби со координаторите на советничките групи, убеден сум дека ќе ги надминеме тие проблеми за да советот да функционира нормално.

Градоначаликот на општина Тетово, Сади Беџети со став дека е во тек со сите работи кои што се однесуваат на проблемите во советот и најави негово посредство во надминувањето на проблемите.

„Верувам дека ќе имаме почести средби со координаторите на советничките групи, убеден сум дека ќе ги надминеме тие проблеми за да советот да функционира нормално. Не се од голем обем проблемите, значи општината живее од проектите, моја цел како градоначалник е да ги оствариме барањата на граѓаните врз основа на законот.“

Недоразбирањата и несогласувањата околу усвојување на урбанистички планови резултираа со одлагање на двете последни седници на советот на општина Тетово.
XS
SM
MD
LG