Достапни линкови

Американско вето за Палестина


Барак Обама на ГС на ООН

Барак Обама на ГС на ООН

Белата куќа соопшти дека претседателот Барак Обама му рекол на претседателот на палестинската власт Махмуд Абас дека Соединетите Држави ќе стават вето во Советот за безбедност на Обединетите нации на потегот за признавање на Палестина како независна држава. Како што е најавено, утре на Генералното собрание на Светската организација, Абас ќе побара и официјално признавање на палестинската државност.

Американскиот претседател Барак Обама во Њујорк имаше средба со палестинскиот лидер Махмуд Абас пред најавеното негово излагање на Генералното собрание на Обединетите нации на кое ќе побара гласање од 193 земји членки на Светската организација за признавање на палестинската држава.

Обама, исто така се сретна и со израелскиот премиер Бенјамин Нетанјаху при што го уверил во непоколебливата американска поддршка.
Од годинашното ГС на ООН
x


„Мислам дека Палестинците сакаат да постигнат држава преку меѓународната заедница, но тие се уште не се подготвени на Израел за возврат да му понудат мир. Се надевам дека ќе има и други одговорни лидери кои ќе го послушаат вашиот повик, Господине претседател, и ќе се спротивстават на ваквиот обид“, изјави Нетанјаху на средбата со Обама,

Американскиот претседател претходно, на годишниот собир во Њујорк, порача дека мир може да се постигне само преку директни разговори меѓу Израелците и Палестинците.
На крајот на краиштата, мирот зависи од компромисот меѓу народите кои мора да живеат заедно и долго време откако нашите говори ќе завршат и откако нашите гласови ќе бидат преброени.

„На крајот на краиштата, Израелците и Палестинците, а не ние, се тие што мора да постигат договор за проблемите што ги делат: за границите и безбедноста, за бегалците и за Ерусалим. На крајот на краиштата, мирот зависи од компромисот меѓу народите кои мора да живеат заедно и долго време откако нашите говори ќе завршат и откако нашите гласови ќе бидат преброени“, изјави Обама, додавајќи дека нема краток пат за постигнување мир на Блискиот Исток.

На Генералното собрание говореше и францускиот претседател Никола Саркози кој ги повика Обединетите нации на преодно решение, односно да ја прифатат Палестина, не како земја која ќе биде членка, туку која во Светската организација ќе има статус на набљудувач.

На отворањето на годишното собрание, генералниот секретар Бан Ки Мун изјави дела палестинците имаат право на држава, но исто така и дека израелците имаат право на безбедност.

,,На Блискиот Исток мора да го надминеме ќор-сокакот. Долго време се согласуваме дека Палестинците заслужуваат држава и оти на Израел му е потребна безбедност. Двете страни сакаат мир. Ние треба да им помогне да го постигнат со решение до кое ќе се дојде преку преговори.“

Бан Ки Мун предупреди и на тоа дека светот е во криза и ги повика лидерите да преземат чекори за негово спасување.

„Како да им помогнеме на нашите народи да најдат мир, просперитет и правда, кога светот е во криза“, изјави тој.

Инаку, Генералното собрание за прв пат во 66-годишната историја на Обединетите нации беше отворено од една жена. Тоа беше претседателката на Бразил, Дилма Русеф. Тема на годинашата сесија е „Улогата на посредувањето во решавањето на споровите по мирен пат“.
  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG