Достапни линкови

Ламбринидис - Ние сме на раскрсница


Грчкиот министер за надворешни работи, Ставрос Ламбринидис и неговата американска колешка Хилари Клинтон во Атина на 17 јули 2011 година.
Грчкиот министер за надворешни работи, Ставрос Ламбринидис и неговата американска колешка Хилари Клинтон во Атина на 17 јули 2011 година.

Ние можеме да избереме да пишуваме историја, доколку ја напуштиме волјата повторно да се бавиме со пишување историја, вели шефот на грчката дипломатија.

Шефот на грчката дипломатија Ставрос Ламбринидис денеска на прес-конференција во Белград на прашањето на новинарот на Радио Слободна Европа, Небојша Грабеж, дали Грција е подготвена да го прифати македонскиот јазик во Обединетите Нации, доколку Македонија прифати географска одредница, изјави дека за тоа за не се даваат јавни изјави и дека јазикот не е дел од процесот во ОН.

Ламбринидис изјави дека, за да се постигне компромис, неговата земја смета оти во името на Македонија треба да има географска одредница и тоа име да биде општоприфатено за сите земји исто, а не некаде да се користи на еден начин, а во друга земја на друг начин . Според Ламбринидис тоа е логичен компромис.
Јас се надевам дека од страна на ФИРОМ има волја за таков компромис.

„Јас се надевам дека од страна на поранешната југословенска Република Македонија ќе има волја за таков компромис. Другиот дел од прашањето не е во согласност со преговорите во ОН и нема да ви одговорам. Но, треба да сме прагматични и свесни дека сме пред раскрсница на голема надеж дека ќе имаме добрососедски односи во регионот“, изјави Ламбринидис и додаде:

„Ние можеме да избереме да пишуваме историја, доколку ја напуштиме волјата повторно да се бавиме со пишување историја.“

„Доколку и владата во Скопје е подготвена да прифати едно такво решение тогаш ние сме подготвени да седнеме на маса и да разговараме“, додаде на крајот министерот за надворешни работи на Грција, Ставрос Ламбринидис, на прес-конференција во Белград каде се сретна со раководството на Србија.

Ламбринидис ќе го посети и Косово.
XS
SM
MD
LG