Достапни линкови

Македонија доцни со спроведувањето на законот за лустрација, но она што загрижува се проблематичните резултати од процесот, велат експертите.

Споредено со земјите во регионот Македонија доцни со спроведувањето на законот за лустрација, оценува стручната јавност. Но,она што загрижува е што кај нас овој процес стана предмет на политичка пресметка со неистомислениците, вели основачот на законот, Стојан Андов.

„Ова може до некаде да се спореди со една состојба во Албанија, со
Ова може до некаде да се спореди со една состојба во Албанија, со нивниот закон за лустрација кој го донесоа, па потоа го отповикаа бидејќи почна да се користи за политичка пресметка со политичките противници.
нивниот закон за лустрација кој го донесоа, па потоа го отповикаа бидејќи почна да се користи за политичка пресметка со политичките противници, а не да се изврши една општествена операција.“

Но, не е проблем тоа што се доцни со лустрацијата, проблематични се резултатите и ефектите од овој процес, предупредува аналитичарот Алберт Муслиу. Според него, нема ништо спорно со спроведувањето на лустрацијата, ако тоа се прави транспарентно.

„Процесот не се користи за таа цел за која е замислен, туку се користи за дневнополитички потреби. Имаме неколку личности, а излегуваме од систем кој бил тоталитарен.“

Директорот на Фондацијата на Сорос за Македонија, Владимир Милчин, смета дека лустрацијата е обид за негов политички линч.

Андов меѓудругото, укажува на недоследностите кои се случуваат околу реализацијата на лустрацијата. Тој посочува дека оваа битка е селективна и ги казнува само политичките неистомисленици. Симптоматичен е според него и начинот на кој надлежната комисија за верификација на фактите, функционира.

„Никаде не одел мазно тој процес, меѓутоа мислам дека сега има некои елементи кои укажуваат дека барем од Комисијата не се почитува законот, кој дури и со измените што беа донесени и тие одредби не се се зафатени.“

Тоа што досега нема случај актуелен функционер да биде откриен дека соработувал со тајните служби, за експертите е доказ дека не постои
Процесот не се користи за таа цел за која е замислен, туку се користи за дневнополитички потреби. Имаме неколку личности, а излегуваме од систем кој бил тоталитарен.
искрена желба и подготвеност да се реши тоа прашање, кое за повеќето од нив станува дел од дневно-политички пазарења.

„Значи ако се доцни со целиот процес, ако се прави транспарентно и со добра намера мислам дека луѓето ќе го прифаќаат пообјективно“, изјави Муслиу.

Деновиве проструи и информација дека околу 3.000 поранешни функционери немаат поднесено изјави дека не соработувале со тајните служби.

Досега беа лустрирани поранешниот претседател на Уставниот суд, Трендафил Ивановски, лидерот на Титови леви сили, Слободан Угриновски, двајца кандидати за пратеници, пензиониран врховен судија и професорот од Факултетот за драмски уметности Владимир Милчин.
  • 16x9 Image

    Марија Тумановска

    Марија Тумановска, родена 1981 година во Струмица. За време на студентските денови, волонтира во некои од пишаните медиуми. По завршувањето на факултетот за новинарство, станува соработник во детската редакција на Македонското радио, Радио Скопје. Подоцна работи во културниот сектор на истиот медиум. Во Радио Слободна Европа е од декември 2004 година.

Покажи ги коментарите

XS
SM
MD
LG