Достапни линкови

logo-print

Женската „армија на Путин“


Диана ја кине својата маица за Путин.

Диана ја кине својата маица за Путин.

Неговиот лик се наоѓа на маици, на билборди, тој е јунак во акциони стрипови, нешто како руски Џејмс Бонд, а во Сибир го обожуваат и сметаат дека е реинкарнација на Свети Павле. Станува збор за рускиот премиер Владимир Путин. Најновото за Путин е видеото што како вирус
Jас сум луда за човекот кој го промени животот на нашата земја. Тој е способен политичар. Тој е шик човек. Тој е Владимир Путин. Милиони го обожаваат, но има и еден куп луѓе кои плукаат по него.
се шири на интернет, во кое млaди жени од целата земја, повикуваат на обединување во подршката за премиерот.

„Армијата на Путин“, како што се нарекуваат, ја сочинуваат млади, убави, згодни, образувани жени, впрочем така е во видеото. Видеото е објавено на „В контакте“, што е една од најпопуларните социјални мрежи и се смета за обид на владата да ги искористат новите медиуми и да се приклучи на младинската култура за политички цели.

Главниот лик во видеото, Диана, е студентка. Таа на високи потпетици чекори низ Москва, и преку својот „iPhone“ ги известува своите пријателки за идејата, да скинат нешто во подршка за Путин. Камерата често е насочена кон нејзините гради, за на крај таа да се соблече по тесна бела маица, на која со кармин пишува „кинам за Путин“, и на која остава бакнеж. А потоа во знак на подршка ја кине својата маица. Таа признава дека е воодушевена од човекот кој донел „стабилност и просперитет на Русија“.



„Јас сум луда за човекот кој го промени животот на нашата земја. Тој е способен политичар. Тој е шик човек. Тој е Владимир Путин. Милиони го обожаваат, но има и еден куп луѓе кои плукаат по него. Можеби тоа е затоа што тие се плашат, или можеби затоа што се свесни за своите слабости, бидејќи тие никогаш нема да бидат во неговата позиција“, вели Дијана во видеото.
Зошто никогаш не можеме да видиме успешни, убави девојки кои се за опозицијата?

Путин досега ја презентираше сликата на способен човек, кој скротува животни, гаси пожари, седи зад воланот на тркачки автомобил на Формула 1, управува хеликоптер, знае чуда. Но, за ваквата презентација не се виновни само луѓето на Путин, туку и другите партии и организации.

Минатата година, 12 студенти по новинарство на Државниот универзитет во Москва, само по долна облека се фотографираа за календарот за демократија, кој беше објавен за 58-от роденден на Путин под слоганот „Ние те сакаме, Владимир Владимирович.“



Кирил Шчитов, пратеник во градската Дума го објави видеото на својот блог, со коментар:

„Зошто никогаш не можеме да видиме успешни, убави девојки кои се за опозицијата?“

Наскоро по објавуањето на видеото се појави група на „В-контакте“, кои се нарекоа „Во борба протов армијата на Путин“. Тие ја обвинија Диана дека е „платена од страна на државата“ и „учествува во најновите бладања
Мислам дека „Армијата на Путин“ е неморално движење. Нивното видео е вулгарна пропаганда. Тие се обидуваат да и презентираат политички идеи на публиката со покажување на женски гради.
на елитата“.

„Мислам дека „Армијата на Путин“ е неморално движење. Нивното видео е вулгарна пропаганда. Тие се обидуваат да и презентираат политички идеи на публиката со покажување на женски гради. Ова е показател дека Путин не може да добие доволно гласови на нормален начин“, вели за РСЕ, Константин Кожевников, член на Анти-Путин армијата.

„Идејата е некако да се искористи интернетот. Иако не е многу почитуван од страна на Путин, неговиот тим, луѓето кои му ја водат кампања сметаат дека интернетот е важен инструмент“, вели Николај Петров, политички експерт од Карнеги центарот во Москва.

Спотот обезбеди „сочна“ подлога за дебата околу тоа дали Путин повторно ќе се кандидира на претседателските избори во март следната година.
  • 16x9 Image

    Пелагија Стојанчова

    Новинарската кариера ја започна како радио водител на музичка емисија во локалното радио во Кратово. Во 2008 година работеше како новинар за култура и образование во бесплатниот дневен весник Шпиц. Од јануари 2009 работи како дописник за Радио Слободна Европа.

XS
SM
MD
LG