Достапни линкови

logo-print

САД - Стратегија за контратероризам


Џон Бренан

Џон Бренан

Белата куќа ја престави Националната стратегија за контратероризам, формализирајќи го приодот што беше преземен во изминативе двеипол години под претседателот Барак Обама. Во документот се наведени предизвиците, како пораз на Ал Каеда по елиминирањето на Осама бин Ладен, борба против домашниот екстремизам и менаџирање на протестите на Блискиот Исток.

САД, со внимателна селекција на офанзивни, дефанзивни и дипломатски орудија ќе ја таргетираат Ал Каеда, ќе се справуваат со заканата од домашниот растечки екстремизам и ќе се обезбедат терористите да не профитираат од немирите на Блискиот Исток.
Новата американска стратегија се случува на 10-годишнината од борбата против тероризмот започната од поранешниот претседател Џорџ Буш, по смртоносните напади врза САД на 11 Септември 2001. Советникот на претседателот Обама за контратероризам, Џон Бренан, изјави дека станува збор за прагматичен а не идеолошки пристап.
Јасно и прецизно го дефинираме непријателот и го користиме секое орудие кое ни е на
располагање.

„Водени од оваа стратегија која ја објавуваме денеска ние никогаш нема да ги намалиме напорите за заштита на Американците. Јасно и прецизно го дефинираме непријателот и го користиме секое орудие што ни е на располагање. Ќе продолжиме во таа насока да правиме силно партнерство во светот и да градиме култура на отпорот дома.“

Бренан додаде дека убиството на Осама бин Ладен и на неколку други лидери на Ал Каеда води кон откривање на целото раководство во следните години. Тој рече дека информациите добиени во штабот каде што беше убиен бин Ладен укажуваат на слабостите на Ал Каеда и на стравовите на Осама дека неговата терористичка организација ја губи битката за освојување на срцата на младите.

Ајман ал Зафахри - Новиот лидер на Ал Каеда

Во новата стартегија против Ал Каеда и инспирациите од заканата за домашен екстремизам се наведува и случајот на Фаисал Шахзад, пакистански – Американец кој имаше намера да крене во воздух возило на Тајмс Сквер во Њујорк.

Белата Куќа исто така ги таргетира и промените на Блискиот Исток и Северна Африка и заканата дека терористите би можеле да го искористат вакумот на власта. Советникот на претседателот Обама за контратероризам, Џон Бренан, вели:

„Точно е дека овие промени можат да донесат нов предизвик и несигурност на краток рок, како што е во Јемен. Точно е дека терористички организации и држави сакаат тоа да го искористат. Затоа ние ќе работиме со партнерите, овие насилни фактори да не успеат.“

Според Бренан, во таа битка клучниот збор ќе го има дипломатијата.
  • 16x9 Image

    Зоран Ќука

    Во Слободна Европа во Прага е од нејзиното формирање на 1 Септември 2001 година. Кариерата ја започна во Македонското радио, па следат ТВ - А1 и ТВ Телма, со истовремена дописничка работа за Радио и ТВ Босна и Херцеговина, Загребското Независно 101 Радио, и Љубљанското Студент Радио.

XS
SM
MD
LG