Достапни линкови

МПМ ги демантира новинарите на Утрински


Менаџментот на Медиа Принт Македонија денеска ги демантира наводите на новинарите од Утрински весник. Според МПМ она што тие го изнесоа на прес-конференција не соодетствува со намерите на компанијата, целите на нејзината деловна политика, како и уредувањето на весникот.
- Обидот преку повикувањето на јавноста и пласирањето неосновани политички инсинуации го оценуваме како непримерен притисок врз правото на една приватна компанија да ги уредува сопствените односи внатре во куќата согласно нејзините економски интереси и развојни цели. Мерките за рационализација, превземени на ниво на целата групација по налог на сопствениците веќе даваат позитивни финансиски ефекти во одделни друштва и со самото тоа го оправдуваат нивното донесување и примена. Никој на ниво на групацијата не е изземен со мерките на штедење и рационализација, така што тоа не може да биде и во случајот на Утрински весник, пишува во соопштението од МПМ. Новинарите на Утрински за утре најавија спонтан штрајк и неизлегување на весникот
XS
SM
MD
LG