Достапни линкови

Се полага државна матура


Средното градежно училиште Здравко Цветковски во Скопје.

Денеска од 10 до 14 часот матурантите ќе го полагаат првиот задолжителен екстерен предмет - мајчин јазик и литература. За полагање се пријавени вкупно 18.184 матуранти, од кои за тестот по македонски јазик 12.771, за албански јазик 5.063 и за турски јазик 350 матуранти. Во четврток, пак, ќе се полага вториот екстерен предмет. Тој е изборен и матурантите од гимназиско и од средното стручно образование можеа да изберат меѓу математика и странски јазик, а матурантите од уметничкото образование - меѓу странски јазик и естетика или филозофија. Прелиминарните резултати ќе бидат објавени најдоцна до 13 јули, зашто законскиот рок е 30 дена по полагањето на испитот. Државна матура во Македонија се полага четврта година. Таа е услов за матурантите да се запишат на факултет.
XS
SM
MD
LG