Достапни линкови

Владејачката Партија на правдата и развојот на турскиот премиер Реџеп Таип Ердоган на парламентарните избори освои близу педесет отсто од гласовите. Сепак, тоа не значи и доволно места за да повика на референдум за нов устав на земјата.

Прелиминарните резултати засновани врз скоро сите преброени гласови, покажаа дека партијата на Ердоган освои околу 50 отсто од гласовите, што значи дека ќе има 326 од вкупно 550 места во новиот состав на турскиот парламент.



„Не е важно дали гласавте за Партијата на правдата и развојот или не, искрено кажувам дека сите партии во земјата се победници на овие избори. Турција победи уште еднаш“, изјави Ердоган.

Тој, пред неколку илјади приврзаници на партијата во Анкара, додаде:


„Нашиот народ не само што ни даде можност да владееме со земјата, но исто така ни испрати порака за донесување нов устав со консензус и преговори“, рече Ердоган.

Неговата партија е на власт од 2002 година и е обвинета од секуларистите во Турција дека се залага за исламизација на турското општество.
Нашиот народ не само што ни даде можност да владееме со земјата, но, исто така, ни даде порака за донесување нов устав со консензус и преговори.

Ердоган, сепак, увери дека ќе биде гарант за сите начини на живот и вероисповед во Турција.

Тој вети дека ќе бара консензус од опозицијата и турското граѓанско општество за изработување на, како што изјави „нов либерален устав, достоен за Турција“ и се заложи за изнаоѓање решение за курдскиот конфликт.

Опозициската Републиканска народна партија на Кемал Калачдароглу доби речиси 26 проценти од гласовите и 135 мандати во Парламентот, додека Партијата на националистичко дејствие доби 13 отсто од гласовите и 54 места во Парламентот.

Другите партии не успеаја да го преминат десетпроцентниот цензус за влез во Меџлисот.


Во новиот состав на парламентот влегуваат и 36 пратеници од прокурдската Партија за мир и демократија, кои учествуваа како независни кандидати. Според законот, тие можат да формираат парламентарна група.

Професор Ченгиз Актар, аналитичар од Инстнабул вели:

„Добро е што курдска партија, преку независни кандидати влезе во Парламентот со повеќе пратеници отколку во претходниот состав. И тоа е дефинитивно предност за идниот дијалог. Но, дијалогот навистина не зависи од нив. Дијалогот зависи главно од Ердоган, односно дали тој ќе прифати да седне на маса.“

Професор Ченгиз Актар, наведува дека пред новата влада има големи прашања за решавање и затоа е неопходнa широк општествен консензус.
  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG