Достапни линкови

logo-print

Меѓународната заедница се погласно бара компромис за спорот со името со Грција за напредок во евроатлантските интеграции.

Компромисно решение за спорот со името со соседна Грција, со цел Македонија да напредува во евроатланската интеграција. Ваквата порака веќе подолго време ја испраќаат претставниците на меѓународната заедница. Решението треба да се усвои со консензус меѓу власта и опозицијата, вели амбасадорот на Република Словенија во земјава Ален Брајан Бергант во неделното интервју на Радио Слободна Европа.
Значи кога ќе се најде компромисно решение, владата заедно со опозицијата, со претседателот на државата, на собранието, заедно да отидат пред граѓаните на Македонија и да кажат ова е компромисно решение, ова е добро за Македонија.

„Значи кога ќе се најде компромисно решение, владата заедно со опозицијата, со претседателот на државата, на Собранието, заедно да отидат пред граѓаните на Македонија и да кажат ова е компромисно решение, ова е добро за Македонија.“

Се поставува прашањето колку е можен консензус, со оглед на видно заострената реторика меѓу политичарите, посебно за време и по предвремените парламентарни избори? Политикологот Здравко Савески вели дека во ваква атмосфера тешко може да се постигне консензус.

Исходот од изборите не дава оптимизам за решение, сметаат дел од аналитичарите

„Самата клима во државата е таква што наместо дијалог и соработка, се повеќе имаме пад на политичката комуникација меѓу партиите и се зголемува тензијата.“

Поранешниот пратеник Насер Зибери презентира слично мислење:
Амбасадорот на Словенија во Македонија Алан Брајан Берант


„Имајќи го предвид исходот од изборите од 5-ти јуни јас не сум оптимист дека може брзо да се најде некое компромисно решение.“

Пред неколку години во јавноста се ширеше мислењето дека Македонија прати чекор со хрватска во евроинтегративните процеси. Сега се чини работите се променија. Амбасадорот Бергант се надева дека Македонија ќе го фати возот за Европа заедно со Црна Гора и можеби Србија:
Имајќи го предвид исходот од изборите од 5-ти јуни јас не сум оптимист дека може брзо да се најде некое компромисно
решение.

„Очекуваме дека можеби во декември Црна Гора ќе добие некои позитивни сигнали од Брисел, а можеби и Србија, така што се надевам дека на овој воз ќе се приклучи и Македонија.“

Дали Македонија заглави на перон откако го пропушти првиот воз за Унијата, посебно имајќи предвид дека земјава доби кандидатски статус пред Црна Гора и Србија? На прашањето одговара политикологот Савески:

„Тоа не се должи пред се на спорот со името, туку поради тоа што доста ретроградни процеси во Македонија ни се случуваат, а тие процеси одат против демократијата во крајна линија.“

Покажи ги коментарите

XS
SM
MD
LG