Достапни линкови

Лоша инфраструктура со Грција


Знамињата на Македонија и Грција. Автор: http://www.crossed-flag-pins.com
Знамињата на Македонија и Грција. Автор: http://www.crossed-flag-pins.com

И покрај близината на југозападниот пограничен регион на Македонија со Грција и секојдневниот интензивен проток на луѓе, инфраструктурата е лоша.

Визите паднаа, што претставуваше големо олеснување за жителите од пограничните региони на Македонија да можат полесно да патуваат за Грција. Но, ништо не се прави за подобрување на патната и железничка инфраструктура. Досегашниот министер за надворешни работи, Антонио Милошоски, вели дека на јужниот сосед му предложиле повеќе иницијативи, но без успех.
Предложивме да отвориме еден нов граничен премин кај општина Ресен, Маркова нога - Герман. Поранешниот градоначалник на Агиос Германов (Герман) од грчка страна беше дојден во Ресен и рече ние сакаме да се отвори тој граничен
премин.

„Предложивме да отвориме еден нов граничен премин кај општина Ресен, Маркова нога - Герман. Поранешниот градоначалник на Агиос Германов (Герман) од грчка страна беше дојден во Ресен и рече ние сакаме да се отвори тој граничен премин зашто туризмот ќе се развие, комуникацијата меѓу луѓето, трговијата. Од една периферија која денес е тоа место ќе може да добиеме едно поцентрално место со тој пограничен премин и ќе живне малку и крајот.“

Засега во југозападниот дел од земјава, единствената патна врска која функционира за Грција е преку граничниот премин Меџитлија. На Преспа, патот од наша страна е реновиран, а останува Грција да направи уште 300 метри асфалт за влезот да проработи.

Македонски граничар

Обратно пак, пругата Битола-Лерин која не не функционира две децении, од грчка страна е обновена, а од македонска се уште не е ревитализирана. Доколку се стави во функција трошоците при транспорт на стока ќе се намалат за 20 до 30 отсто.

„Ние исто им предложивме да направиме една железничка линија за Дојран-Николиќ да се поврзе со пругата до Солун за да може еден инвеститор своите производи да ги пласира преку солунското
На локално ниво ние до пред некое време со општините од Грција имавме одлична соработка. И денес имаме контакти со префектите и градоначалниците на Грција.

пристаниште. Но, за жал од грчка страна се уште имаме или негативни одговори, никогаш не на писмено, само усн,о или игнорирање на нашите предлози“, додава Милошоски.

Очигледно, потребна е поголема политичка волја и надминување на проблемот со името за регионите вистински да почнат да соработуваат.

„На локално ниво, ние до пред некое време со општините од Грција имавме одлична соработка. И денес имаме контакти со префектите и градоначалниците на Грција. Се обидовме да направиме еден еврорегион. Целта беше поврзување на луѓето. Но, тој проект истече кога Македонија на некој начин влезе во процесот за интегрирање кон НАТО и Европската унија“, изјави битолскиот градоначалник Владимир Талески.
  • 16x9 Image

    Жанета Здравковска

    Родена во Битола на 15.01.1977 година. Дипломирала на Педагошкиот факултет во Битола во 1999 година, а магистерски студии завршила на постдипломските студии по менаџмент на човечки ресурси на Институтот за социолошки и политичко- правни истражувања во Скопје. Работела како новинар во повеќе локални редакции во Битола, а за Радио Слободна Европа известува од 2002 година. 

XS
SM
MD
LG