Достапни линкови

Во последно време во Битола ескалира проблемот со питачење по улица, пред се зашто најголемиот број од питачите се деца. Социјалните служби најавуваат казни.

Статистиката покажува дека во градот се регистрирани 70 лица кои питаат, од кои 67 деца. Центарот за социјални работи најави казни за родителите кои нема да ги тргнат децата од улица, а тие пак условуваат дека ќе престанат да питаат ако им се подигне социјалната помош.
Дома немаме струја. Овие сите деца јас ги гледам. Да ми поможат повеќе пари да земиме, па нема да питаме.

„Дома немаме струја. Овие сите деца јас ги гледам. Да ми поможат повеќе пари да земиме, па нема да питаме.“

„Питаме на тој начин се храниме.“

„Ние сме четиричено семејство, живееме од социјално 2000 денари. Дали тоа стига за храна, за лекови на мажот ми кој боледува од депресија, а и детето ми е оболено. Куќата ми изгоре. Што да не казнат, од каде да најдеме да им платиме? Ако ни помогнат нема да питаме, ако земаме повеќе пари.“

Низ битолските улици се почесто деца питачи

Директорката на Центарот за социјални работи, Виолета Гаџовска вели:

„Ги запознаваме луѓето во делот на запоставувањето на родителското право дека веќе ќе почнеме многу помасовно да поднесуваме пријави за одземање на родителско право и надвор на тоа право. Додека претставниците на полицијата ќе го
Ние сме четиричено семејство, живееме од социјално 2000 денари. Дали тоа стига за храна, за лекови[...] Што да не казнат, од каде да најдеме да им платиме?
презентираат делот од Кривичниот закон за тоа колку изнесува казната во однос на пари и затвор ако продолжи да се
питачи по јавни места.“

Иако веќе неколку месеци работи Центар за згрижување на деца од улица, бројот на оние кои го посетуваат се намалува.

„Почнавме со 17 деца, потоа падна бројката на 13 деца, а сега се движи од 7 до десет. Многу е мала бројката се должи на неодговорноста на родителите. Ги опоменувавме и многу ми е жал што ќе мора да применуваме и одредени репресивни мерки во тој дел“, додава Гаџовска.
  • 16x9 Image

    Жанета Здравковска

    Родена во Битола на 15.01.1977 година. Дипломирала на Педагошкиот факултет во Битола во 1999 година, а магистерски студии завршила на постдипломските студии по менаџмент на човечки ресурси на Институтот за социолошки и политичко- правни истражувања во Скопје. Работела како новинар во повеќе локални редакции во Битола, а за Радио Слободна Европа известува од 2002 година. 

Покажи ги коментарите

XS
SM
MD
LG