Достапни линкови

Албански пратеници ја опколија салата на изборната комисија


Пратеници од Социјалистичката партија на Албанија од вчера ја опколија салата на Централната изборна комисија во Тирана, што го принуди претседателот на комисијата да ја прекине седницата, пишува албанскиот печат. Пратениците социјалисти влегле во салата за седници на комисијата, за да спречат евентуално донесување одлука, која ја оспорува победата на локалните избори на 8 мај на лидерот на Социјалистичката партија Еди Рама за градоначалник на Тирана. Во просториите на комисијата, како и пред зградата, се наоѓаат полициски единици. И покрај повиците на полицијата, пратениците изјавиле дека нема да се повлечат. Според прелиминарните резултати разликата меѓу Еди Рама и неговиот противник Љуљзим Баша од Демократскатаа партија е само десет гласа.
XS
SM
MD
LG