Достапни линкови

Администрацијата - партиски сервис!


Луѓе на шалтер...

Луѓе на шалтер...

Администрацијата, наместо сервис на граѓаните, стана сервис на политичарите. Секоја власт ја користи за партизација што ќе им обезбеди комотност во владеењето.

Македонија е една од земјите кои имаат закони и Устав каде има целосна департизација од влијанието на власта врз јавниот сектор, но никој тоа не го почитува. Секој кој ќе дојде на власт ја третира администрацијата како свој сервис иако таа е сервис на граѓаните кој треба да ги препознае нивните потреби и да работи на нивно брзо и ефикасно решавање. Експерите сметаат дека државите кои имаат тешкотии со борбата против корупцијата и економски и политички привилегии на одредени групи имаат помали изгледи за ефикасна администрација. Професорот по управно право Борче Давитковски вели дека јавната администрација е оружје на секоја власт зошто и овозможува комотност да владее.

„Инаку како ќе прават вработувања со партиски книшки, наместени тендери, селективно контролирање на кафеани итн. Сето тоа влијае.“

Стана ли администрацијата сервис на политичарите, наместона граѓаните?

Повеќе закони забрануваат партиско влијание врз јавната админсистрација како законот за јавни и за државни службеници за влада и Уставот, но власта продолжува да ја третира администрацијата како свој сервис. Давитковски смета дака власта е таа што треба да го смени начинот на работи и да ги земе предвид светските стандарди и своите закони. Познато е дека капацитетот на јавната администрација игра клучна улога за државите кои сакаат членство во Европската унија, потсетува тој:
Ако некој влегува на работа по заслуга, а не поради тоа што има партиска книшка тогаш тој не е обврзан да ја почитува волјата на министерот или актуелната
власт.


„Ако некој влегува на работа по заслуга, а не поради тоа што има партиска книшка тогаш тој не е обврзан да ја почитува волјата на министерот или актуелната власт. Значи повторно се враќаме на законите, законите добро се лоцираат и постојат, ама никој не ги почитува.“

Исмет Рамадини, политички аналитичар кој има искуствио и како пратеник, вели дека јавната администрација е една од најбитните инструменти на секоја власт на избори зошто имаат можности да ги користат не само да гласаат туку дека до толку е инструментализирана што и кај други влијаат за да добијат што повеќе гласови за нив. Тоа е притисок од власта. И останатите партии користат такви методи, но тие се базираат на ветувања. Има начин граѓаните да се спротивстават, но
Калкулирањето е секогаш за нивниот интерес, интересот на семејството на најблиските, тоа го прават од личен и поширок семеен
интерес.
најверојатно и тие калкулираат во вакви случаи, оценува Рамадани:

„Калкулирањето е секогаш за нивниот интерес, интересот на семејството на најблиските, тоа го прават од личен и поширок семеен интерес.“

Рамадани нагласува дека како поединци луѓето не може да се спротивстават зошто може да бидат подложни на притисоци и тоа ќе оди како поединечна појава. Ако се спротивстават колективно или во одредена институција ќе имаат и јавна поддршка, нагласува тој.
  • 16x9 Image

    Мирјана Спасовска

    Родена е во Скопје 1971 година. Од 1996 та година работи во телевизиската кука А1. Од 1998 та година е во телевизијата Телма каде за централно информативната емисија известува за дневни социјално - општествени теми.  Во Радио Слободна Европа е од 2002 та година.  

XS
SM
MD
LG