Достапни линкови

Дебарскиот Црвен крст со помош за сиромашните


Дебар

Дебар

Социјално загрозените семејства во Дебар се почесто бараат помош во храна и облека од Црвениот крст.

Во општина Дебар продолжува да расте бројот на семејствата кои отворено бараат помош во храна и облека. Тие се обраќаат до институциите за да добијат хуманитарна помош која им е неоходна. Над 30 насто од населението моментално е на списокот на Центарот за социјални работи за добивање на социјална помош.
Социјалните случаи во Дебар често доаѓаат во Црвениот Крст за да бараат помош. Тие отворено да кажеме бараат се што им треба, но најчесто тоа што бараат е храна и облека.
Една од вратите каде во последно време најчесто се обраќаат сиромашните е и Општинската организација на Црвениот крст во Дебар.

„Социјалните случаи во Дебар често доаѓаат во Црвениот крст за да бараат помош. Тие отворено да кажеме бараат се што им треба, но најчесто тоа што бараат е храна и облека. Ние ги правема анализите кои потоа ги пренесуваме во центаралното раководство“, вели секретарот на општинската организација на Црвениот крст во Дебар, Исни Телќиу.


Тој додава дека се организираат и локални акции од страна на Црвениот крст, особено во собирање на облека која потоа се доделува на сиромашните.
Во Републичката организација на Црвениот крст на Македонија велат дека сите расположливи капацитети ги ставаат во функција на ублажување на проблемот , но додаваат дека не е можно да се спроведе класична акција како некогаш за делење на храна, нагласува Генералниот секретар на Црвениот крст на Македонија, Саит Саити.
Ние не можеме да организираме класични акции за делење на храна, но ќе бидеме активни во превземање на иницијативи, државата е таа која сепак е надлежна
за ова.

„Сиромаштијата е проблем на нашето време и таа е многу изразена во нашава држава. Црвениот крст на Република Македонија како партнер на државата активно е вклучен во изнаоѓањето на форми и начини за ублажување на истата. Своите капацитети Црвениорт крст ги насочува во проекти со кои се третираат одредени целни групи. Нашите можности се ограничени. Ние не можеме да организираме класични акции за делење на храна, но ќе бидеме активни во превземање на иницијативи, државата е таа која сепак е надлежна за оваа. Црвениот крст како нејзин партнер ќе соработува и ќе ги стави на располагање сите капацитети за ублажување на проблемот, кој треба да речеме дека не е само проблем на Македонија туку тој проблем е и поширок проблем“, нагласува секретарот Саити.

Со цел да се ублажи сиромаштијата во општина Дебар, повеќе иселеници и печалбари помагаат добар дел од сиромашните семејства кои се на работ на егзистенцијата. Сиромашните повремено се помагаат и од страна на некои хуманитарни здруженија .
  • 16x9 Image

    Кенан Мимидиновски

    Кенан Мимидиновски, роден 1954 во Дебар. Завршил Правен факултет во Скопје, а со новинарство професионално се занимава 30 години. Најпрвин во Радио Дебар како новинар, а подоцна 12 години и како главен и одговорен уредник . Дописник на Радио Слободна Европа од Дебар е од 2001 година.

XS
SM
MD
LG