Достапни линкови

Стечајците повторно на протести


Протест на стечајците од Куманово

Протест на стечајците од Куманово

Стечајците од Куманово повторно на протести за да ја потсетат власта да го реши нивниот проблем. Го блокираа автопатот Куманово-Скопје.

Група стечајци од Здружението „УНИТ“ од Куманово со мирен двочасовен протест го блокираа влезот и излезот на градот на патниот правец Куманово-Скопје. Тие се во егзистенцијална агонија веќе втора година.

Нема ни држава, ни правда, ни ништо. Од 1976 година сум бил на работа. Триесет и пет години, а имам 59 години. Ако не ми даваат пензија, нека ми дадат тоа што ми е неисплатено, тоа што сум заработил, барем до пензија. А немам ни социјално,
ни ништо.
РСЕ: До кога вака?

„Нема ни држава, ни правда, ни ништо. Од 1976 година сум бил на работа. Триесет и пет години, а имам 59 години. Ако не ми даваат пензија, нека ми дадат тоа што ми е неисплатено, тоа што сум заработил, барем до пензија. А немам ни социјално, ни ништо“, вели Садики Нефаил, поранешен работник во ЈП „Водостопанство“.

РСЕ: Се надевате ли пред избори Владата да попушти?

„Не знам. И СДСМ, тогаш Бранко Црвенковски не потпиша 25/55, со тоа јас одамна би бил во пензија. Сега тие велат „да“ , а ВМРО-ДПМНЕ вика „не“. Кажи ми да ти кажам! Нема ни правда ни ништо, па сакаме во Европа, каква Европа.“

Архива: Протест на стечајците во Куманово на 1 април 2010

Љиљана Ѓорѓиевска вели дека ќе протестираат се додека не се исполнат нивните барања, за кои како што додава, лидерите од сите опозициони партии им рекле дека нивниот проблем е решлив.
Тогаш Бранко Црвенковски не потпиша 25/55, со тоа јас одамна би бил во пензија. Сега тие велат „да“ , а ВМРО-ДПМНЕ вика „не“. Кажи ми да ти кажам! Нема ни правда ни ништо, па сакаме во Европа, каква Европа.


„Дека не треба многу пари,дека е една капка во море од буџетот. Ова е некој инает од Владата.“

РСЕ: Кои се вашите барања?

„Петнаесет години минимум работен стаж, 50 години возраст за жени, а 53 за мажи.“

Ѓорѓиевска вели дека на почетокот во државава биле околу 10 илјади, дел од нив починале, дел се заболени. Останале околу 6 илјади. Во Куманово од 1.100 сега се 460 стечајци, бидејќи и од нив дел починале, а дел се тешко заболени.

РСЕ: Дали се надевате дека пред избори Владата ќе попушти?
2006 година Груевски не измами. Обештети малку стечајни работници, а останатите сме на улица.

„2006 година Груевски не измами. Обештети малку стечајни работници, а останатите сме на улица. Не очекуваме, а со полиција на врата, со полиција на уредно најавени протести, тие повеќе би сакале да не нема, а не да не обесштетат.“

РСЕ: Како живеете во меѓувреме?

„Многу сиромашки, вода немам, струјата ми е исклучена, од соседите земам. Од 1996 година сум стечаец од „Техника“ од Скопје. Тројца сме, синот е на факултет“, вели 55-годишниот Петар Јовановски.

Осман Али, со 24 години работен стаж и 54 години возраст раскажува:

„Не ми работи ни жена, ни деца, а од операција дојдов тука, имам камен во желудникот. Немаме ни за едно парче леб, за струја, за вода, на сите се ни е исклучено.“

Не ми работи ни жена, ни деца, а од операција дојдов тука, имам камен во желудникот. Немаме ни за едно парче леб, за струја, за вода, на сите се ни е исклучено.
РСЕ: Се обидовте ли во некоја партија да се ангажирате?

„Мене не ме интересираат партии, јас си го барам моето. Имам 25 години стаж.“

Зошто токму 15 години работен стаж, Ѓорѓиевска објаснува:

„Само тој закон функционира, минимум 15 години работен стаж, а старост 62/64. Ние не сме способни за работа и сите се над 50 години, затоа бараме една поткрепа од државата, или да ни најдат работа или обесштетување. И покрај тоа што и тие шест илјади денари не се доволни да се преживее.“

Стечајците не отстапуваат од нивната борба за опстанок и најавуваат масовен протест за 6 април во Скопје.
  • 16x9 Image

    Светлана Антиќ Јовчевска

    По завршувањето на Студиите по новинарство во Скопје во 1985 година започнува да работи како економски новинар во Куманово, а потоа како дописник на „Вечер“,соработник на „Нова Македонија“,„Утрински весник“,на МРТВ, МИА, Радио Дојче Веле и неколку неделници. Од основањето на Радио Слободна Европа известува за настаните од својот град.

XS
SM
MD
LG