Достапни линкови

Соренсен - Тука сме да помогнеме


Си кажаа што имаа и си заминаа. Васко Наумовски и Петер Соренсен на прес-конференција во владата.

Си кажаа што имаа и си заминаа. Васко Наумовски и Петер Соренсен на прес-конференција во владата.

ЕУ ќе вложи 98 милиони евра во македонските евроинтеграции во наредниот период, изјави новиот евроамбасадор Петер Соренсен.

Ние сме тука за да и помогнеме Македонија на патот кон Европската унија и да дадеме подршка во решавањето на сите прашања што беа посочени во последниот извештај за напредокот на Македонија, рече новиот амбасадор на Унијата Петер Соренсен, по средбата со вицепремиерот задолжен за европски прашања Васко Наумовски во македонската владата.
ЕУ и понатаму ја подржува оваа активност. За следниот период ќе бидат вложени околу 98 милиони евра од ЕУ на овој план. Продолжуваме да бидеме активни во процесот.

„ЕУ и понатаму ја подржува оваа активност. За следниот период ќе бидат вложени околу 98 милиони евра од ЕУ на овој план. Продолжуваме да бидеме активни во процесот. Веднаш откако ќе завршат овие воведни активности, се враќаме на работа. Свесни сме дека Секретаријатот врши многу добра работа.“

Соренсен рече дека избрал, првата изјава по неговото доаѓање во Македонија да ја даде по средбата со вицепремиерот Наумовски за да покаже кој ќе биде нивниот „вистински партнер“ во текот на работата во Македонија.

Средба на вицепремиерот Васко Наумовски со евроамбасадорот Петер Соренсен во владата

Вицепремиерот Наумовски рече дека со новиот амбасадор на ЕУ Петер Соренсен разговарале за активностите што ги спроведува владата во насока на исполнување на критериумите за членство во ЕУ, за поставеноста на структурите за раководење со целокупниот процес и за идните активности „во насока на добивање на уште еден објективен извештај кон крајот на годинава“.
Остануваме цврсто посветени и фокусирани на сите активности што ќе значат приближување на Македонија кон полноправно членство во ЕУ. Уверени сме дека и Делегацијата на ЕУ предводена од господинот Соренсен ќе биде најцврстиот сојузник и партнер на Владата

„Ние, како Влада и како држава, остануваме цврсто посветени и фокусирани на сите активности што ќе значат приближување на Македонија кон полноправно членство во ЕУ. Уверени сме дека и Делегацијата на ЕУ предводена од господинот Соренсен ќе биде најцврстиот сојузник и партнер на Владата на Македонија во наредниот период, во остварување на оваа наша заедничка цел.“

Наумовски е уверен дека искуството на Соренсен во регионов ќе помогне тој подобро да ги разбере околностите во Македонија и се надева оти лично ќе се заложи да го даде својот максимум за забрзување на евроинтеграциите.

Отако ги дадоа изјавите, Наумовски и Соренсен заминаа без да им дозволат на новинарите да постават прашања.
  • 16x9 Image

    Срѓан Стојанчов

    Новинарската кариера ја започна како новинар во внатрешно-политичката рубрика на дневниот весник Шпиц во 2008 година. Роден е на 27.10.1981г. во Скопје. Од февруари 2009 работи како постојан дописник за Радио Слободна Европа од Скопје.

Покажи ги коментарите

XS
SM
MD
LG