Достапни линкови

logo-print

Силите на Гадафи ја контролираат границата со Тунис


Високиот комесаријат на Обединетите нации за бегалци денеска соопшти дека тешко вооружени сили лојални на режимот на Муамер Гадафи ја контролираат либијската страна на границата со Тунис. Тоа, според Комесаријатот, е можната причина за намалувањето на бројот на бегалците кои ја минуваат границата. Вчера тоа го сториле околу 2 илјади луѓе, што е многу помалку од бројот во претходните два дена кога биле забележани до 15 илјади бегалци дневно. Во меѓувреме се јавува дека силите на Гадафи поставиле контролни пунктови околу Триполи пред планираните денешни антивладини протести. Има и извештаи за уште еден воздушен напад врз главната нафтена инсталација во Брега.
XS
SM
MD
LG