Достапни линкови

logo-print

По „Кале“, превентивни мерки и во Куманово


Училиште во Куманово

Училиште во Куманово

По случувањата на скопското Кале, во Куманово одржана трибина за преземање на превентивни мерки во училиштата во градот.

Се повеќе, актуелните проблеми кои се манифестираат кај младата популација, преземање превентивни мерки за спречување на несаканите последици, како и развојот и здравјето на децата во образовните институции, меѓу себе и во семејствата, беа дел од назнаките за кои расправаа претставниците на Асоцијацијата на невладиниот сектор во Куманово. На трибината, појдовната точка беше заштита на децата од насилство и нивната злоупотреба, но и останатите теми, во што беа вклучени и стручните надлежни лица, педагози и психолози од основните и средните училишта.
Ние правиме напори во нашето училиште, имаме многу добар Совет на родители и многу добра соработка. За жал на учениците кои се со проблеми помало е присуството на родителите. Ова е едно размислување за можностите за намалување на насилството.


Иницијативата за оваа средба на која се отповикаа сите заинтересирани, потекнала по актуелните случувања во Скопје, а Куманово како мултиетничка средина, неопходно е да преземе превентивни мерки, смета Киро Соларски од Асоцијацијата.

„Мило ми е што сите надлежни се отповикаа да расправаат на оваа тема, а асоцијацијата, покрај своите активности, ќе има и свои резултати.“

Во училиштата е вклучено учество и на родителите преку советите на родители, за што психологот Дивна Јанкова од Основното училиште „Толи Зордумис “ вели:

„Ние правиме напори во нашето училиште, имаме многу добар Совет на родители и многу добра соработка. За жал на учениците кои се со проблеми помало е присуството на родителите. Ова е едно размислување за можностите за намалување на насилството.“
Во последно време сите сме сведоци на поведението, раскалашното однесување на нашите деца и млади. За овој разговор не би требало да биде прична Кале во Скопје, но ние во Куманово сакавме да ги пресретнеме овие работи што се случуваат во другите средини.


А долгогодишниот педагог Мирко Зафировски, пак, додава:

„Во последно време сите сме сведоци на поведението, раскалашното однесување на нашите деца и млади. За овој разговор не би требало да биде прична Кале во Скопје, но ние во Куманово сакавме да ги пресретнеме овие работи што се случуваат во другите средини и да разговараме за однесувањето на децата. При тоа и за општиот раст и развој на децата, здравјето, успехот, движење во училиштето и надвор од него, семејството,за нивната социјализација и однесување во училиштето и надвор од него.“

На трибината која е само почеток на расправите за однесувањето и за свекупниот раст и развој на младата популација, која најчесто остава впечаток дека е препуштена сама на себе, беа презентирани и статистички податоци од неколку истражувања, кои покажуваат дека однесувањето на младите меѓусебе, но и нивната злоупотреба од возрасни лица, е состојба која загрижува. Според Соларски, се очекува ваквите расправи и будноста на надлежните во однесувањето на децата најверојатно ќе даде позитивни резултати, што е и целта на Асоцијацијата на невладините организации во Куманово.
  • 16x9 Image

    Светлана Антиќ Јовчевска

    По завршувањето на Студиите по новинарство во Скопје во 1985 година започнува да работи како економски новинар во Куманово, а потоа како дописник на „Вечер“,соработник на „Нова Македонија“,„Утрински весник“,на МРТВ, МИА, Радио Дојче Веле и неколку неделници. Од основањето на Радио Слободна Европа известува за настаните од својот град.

XS
SM
MD
LG