Достапни линкови

Апел од Иванов и Адеми за смирување на тензиите


Претседателот на Република Македонија Ѓорге Иванов денеска го прими вицепремиерот задолжен за спроведување на Рамковниот договорн Абдилаќим Адеми. Главна тема на средбата беше координација во правец на одбележувањето на 10-годишнината од потпишувањето на Охридскиот рамковен договор. На средбата, претседателот Иванов и вицепремиерот Адеми размениле мислења и за меѓуетничките односи во Република Македонија, поврзани со последните настани, при што заеднички став на соговорниците е дека институциите мора да ги искористат сите демократски механизми за зачувување на добрите меѓуетнички и меѓурелигиски односи, како еден од главните приоритети на Република Македонија на нејзиниот пат кон ЕУ и НАТО. Иванов и Адеми изразувајќи загриженост поради тоа што меѓу учесниците на немилиот настан имало и малолетни лица, упатуваат апел до сите политички актери и до јавноста да не се злоупотребуваат вакви настани за дневно - политички цели, се истакнува во соопштението.
XS
SM
MD
LG