Достапни линкови

logo-print

Египетската војска ги брка демонстрантите од плоштадот Тахрир


Протестите на плоштадот Тахрир во Каиро

Протестите на плоштадот Тахрир во Каиро

Египетските војници денеска го отворија патот за собраќај на плоштадот Тахрир во обид да ги растераат демонстрантите за да се врати животот во нормала во земјата по 18 дневните протести кои го парализираа Египет. Претседателот Хосни Мубарак во петокот поднесе оставка. Полицијата им соопшти на демонстрантите кои останаа на плоштадот дека мора да си одат. Некои од нив според извештаите биле остранети со сила, а други останале. Високиот совет на воените сили кој е моментално на власт во земјата ќе се состане денеска да разговара за политичката состојба во Египет.
Во меѓувреме лидерите ги повикаа граѓаните да соработуваат со полицијата, но ги предупредија чуварите на редот и мирот да се држат до слоганот дека полицијата е во служба на луѓето.
XS
SM
MD
LG