Достапни линкови

logo-print

Иванов- Грција да се однесува европски


Претседателот Ѓорге Иванов

Претседателот Ѓорге Иванов

Во годишното обраќање пред Собранието, претседателот Ѓорге Иванов побара од Грција да се однесува европски кон Македонија.

Најголема пречка за евроатланската интеграција на Македонија е проблемот кој го создаде Грција со нашето име, но не постои друга алтернатива ниту за земјава ниту за регионот, ова го изјави претседателот Ѓорѓе Иванов во неговот годишно обраќање во Собранието. Според Иванов Македонија својата искреност и посветеност на процесот ја покажала многупати досега, но и покрај се земјата и натаму ќе се залага за продолжување на дијалогот со Грција за да се пронајде решение за спорот кое нема да задира во идентитетот, јазикот и Уставот на земјата.
Ние сме граѓани на европска земја и бараме од Грција како членка на ЕУ со нас да се однесува европски. Затоа уште еднаш порачувам дека не е прифатливо да се разговара за решение што задира во македонскиот идентитет, македонскиот јазик и во Уставот на РМ како чувар на нашета државна сувереност и национално достоинство

,,Ние сме граѓани на европска земја и бараме од Грција како членка на ЕУ со нас да се однесува европски. Затоа уште еднаш порачувам дека не е прифатливо да се разговара за решение што задира во македонскиот идентитет, македонскиот јазик и во Уставот на РМ како чувар на нашета државна сувереност и национално достоинство."

Иванов вели дека државниот врв како никогаш досега има јасен став оти е потребен заеднички прифатлив компромис меѓу Македонија и Грција, но дека во конечната одлука ќе бидат вклучени и граѓаните.

,,Ние сакаме решение, но само во рамките на грчко македонската времена спогодба од септември 1995 година и на крај конечната одлука ќе ја имаат граѓаните."

Вината за одолговлекувањето на спорот Иванов ја лоцираше не кај македонските, туку кај грчките политичари.

,,За да бидеме доследни во остварувањето на нашата стратешка определба за евроатлантска Македонија ние треба да сме сплотени, обединети и со заеднички напор да истраме на патот кој е пред нас."

Говорот на претседателот за пратениците од власта беше одличен, а за оние од опозицијата е оценет како безличен, безидеен. Наместо да биде претседател на сите, одбра да му служи на Груевски, изјави Андреј Петров од СДСМ.

,,Претседателот освен уште една фраза која ја исфрли на овој говор не кажа ништо за клучните приоритети во државата, не кажа ништо за главната дебата во земјата, а тоа е предвремените избори и желбата на народот кој сака оваа власт да си замине."

Ова бешe обесхрабрувачки говор на Иванов, оцени Тито Петковскиод НСДП.

,,Практично отворено кажа дека ја задржува статус кво политиката на Р Македонија особено надворешната политика. Ниту со еден збор не внесе надеж, охрабрување."

Влатко Ѓорчев од ВМРО ДПМНЕ вели дека ставовите во говорот на Претседателот ја одразуваат реалноста во Македонија и стремежите на општеството.

,,Како претседател и во својот мандат и во својот говор ги претставува и застапува националните интереси на Македонија."


Иванов изјави дека силата на Македонија е во најдобриот извозен политички продукт а тоа е моделот на мултиетничкиот соживот, кој подразбира интеграција без асимилација и почитување на постоечките различности.
  • 16x9 Image

    Марија Митевска

    Новинарската кариера ја започна во 2008 година во А1 телевизија како репортер во информативната програма.  Родена е на 14.04 1984 година во Скопје. Од мај 2009-та работи како постојан дописник за Радио Слободна Европа од Скопје.

XS
SM
MD
LG