Достапни линкови

Македонија тоне во изолација?


Од последните консултации на државниот врв

Од последните консултации на државниот врв

Според експертите преговорите во Њујорк потврдија дека оваа власт нема намера во догледно време да го реши спорот за името.

Повеќе од јасно е дека оваа владејачка гарнитура нема намера во догледно време да го реши спорот со името, коментира стручната јавност по исходот од средбите на претседателот Ѓорги Иванов со Папандру и Нимиц во Њујорк. Станува јасно дека со ваквиот пристап кон ова суштинско прашање Македонија останува настрана од евоатлантските институции и тоне во изолација, посочуваат професорите по меѓународно право Љубомир Фрчковски и Денко Малески.
Надежта последна умира бидејќи државата е во прашање, во прашање е нашето секојдневие кое тоне, па одржуваме надеж за чудо или пресврт преку ноќ, меѓутоа очигледно е дека Македонија е осудена на една друга стратегија, а тоа е дека ќе упаднеме во подолг период на изолација


,,Надежта последна умира бидејќи државата е во прашање, во прашање е нашето секојдневие кое тоне, па одржуваме надеж за чудо или пресврт преку ноќ, меѓутоа очигледно е дека Македонија е осудена на една друга стратегија, а тоа е дека ќе упаднеме во подолг период на изолација."

,,Ако нивната идеа е да се обидат со помош на правото да ја ,,засрамат" светската заедница или ЕУ или САД, тогаш мислам дека ние уште многу долго ќе чекаме за да се мрднеме од ова место на кое што се наоѓаме."

Според аналитичарот Хисен Рамадани владата нема намера да го реши спорот со името се додека не се промени националната свест.

,,Оваа екипа на чело со Груевски, тоа го доживува како еден обид да се рекомпонира македонскиот национален идентитет од страга на Грција."

Според Малески излезот од оваа статус кво ситуација е отворениот дијалог меѓу засегнатите страни.Од него вели тој треба да произлезе кој е општиот интерес на државата и што партиите треба да направат за да се оствари истиот.
Оваа екипа на чело со Груевски, тоа го доживува како еден обид да се рекомпонира македонскиот национален идентитет од страна на Грција


,,Разговор за иднината на Македнија, ама сериозен, загрижен разговор, не партиски подметнувања од типот ние сакаме да зборуваме, вие не сакате."

За Фрчкоски пак потребно е итно менување на стратегијата и барање поддршка од граѓаните за тоа. Излез според него се и предвремените избори.

,,Не гледам друга, освен предвемени избори, излегување веројатно на ДУИ од власта, некоја ситуација на политички контролирана криза и излез од неа."

Јолевски - Иванов - Нимиц


Наспроти Фрчковски пак, Рамадани вели дека се додека не се промени националната свест кај граѓаните, и друга владејачка структура нема да може да го реши спорот.

,,Илузорно е да се очекува дека СДСМ ќе направи некој таков исчекор кој што би било пресудно за идното компонирање на владата."

Експертите посочуваат дека е најдобро сега да се продолжат преговорите. Се додека не постои друг проблем кој ќе ја окупира внатрешната јавност, потребно е да се води дијалогот, велат тие и додаваат дека е тешко да се расправа за тоа прашање вко услови на каква било внатрешна криза.
  • 16x9 Image

    Марија Тумановска

    Марија Тумановска, родена 1981 година во Струмица. За време на студентските денови, волонтира во некои од пишаните медиуми. По завршувањето на факултетот за новинарство, станува соработник во детската редакција на Македонското радио, Радио Скопје. Подоцна работи во културниот сектор на истиот медиум. Во Радио Слободна Европа е од декември 2004 година.

Покажи ги коментарите

XS
SM
MD
LG