Достапни линкови

Изборите во Авганистан со насилства


Во Авганистан денеска се одржуваат парламентарни избори, кои, како што јавуваат агенциите, се проследени со нерегуларности и насилства. Во источниот дел на земјата две лица настрадале од граната, а во утринските часови една ракета паднала во Кабул, додека напади имало и во Џалалабад, Кандахар, како и во уште неколку провинции. Агенциите јавуваат за убиени припадници на безбедносните сили на авганистан на неколку места во земјата.



Талибанците уште пред изборите се заканија дека со насилства ќе го спречат гласањето.

Членови на изборни комисии јавуваат за за нерегуларности на гласачки места.

Авганистанскиот претседател Хамид Карзаи, откако гласаше во Кабул, изјави дека изборите ќе помогнат за подобра иднина на земјата. Тој изрази надеж дека ќе има голем оздив и оти нема да има голем број инциденти.

Околу 2.500 кандидати се натпреваруваат за 249 места во Парламентот на Авганистан.

Западот, на овие избори во Авганистан гледа како на тест за авганистанската Влада за способноста да спроведе регуларни избори.
  • 16x9 Image

    Љупчо Наќев

    Работи во Радио Слободна Европа во Прага од започнувањето на емитувањето на програмата на Македонски јазик, како уредник и водител. Со новинарство се занимава од 1988-ма година, најнапред во Македонското радио, а потоа во А1 телевизија, како и повеќе години како постојан дописник на Радио Дојче Веле. 

XS
SM
MD
LG