Достапни линкови

logo-print

Протести


Неделава најавени повеќе протести

Неделава најавени повеќе протести

Жешката есен на социо-економски план започнува? Своето незадоволство на улица го изразуваат лозарите, а протести најавува и Конфедерацијата на синдикални организации.

Протестите на лозарите од Тиквешијата како и најавите за протести на државниот празник Осми Септември покреваат најмалку две прашања: Зошто луѓето кои од народни пари добиваа помош за да произведуваат грозје јавно изразуваат незадоволство и дали тековните и најавените протести се знак дека популарно познатата „жешка есен на социо-економски план“ веќе започна?
И како ние ќе опстанеме. 70-80 тона грозје јас ќе однесам во подрум, тоа е една цистерна вино, да им ја дадеме на подрумарите тие да газдуваат, а ние да трпиме

,,Лани грозјето го земаа и воопшто не е исплатено."

,,И како ние ќе опстанеме. 70-80 тона грозје јас ќе однесам во подрум, тоа е една цистерна вино, да им ја дадеме на подрумарите тие да газдуваат, а ние да трпиме."

Претседателот на Асоцијацијата на земјоделци Ефтим Шаклев ги објаснува причините за протестот:

Ефтим Шаклев
,,Тие се надеваат дека со изразување на незадоволството на ваков начин, дека ќе влијаат врз промена на одлуката и да ги добијат ланските цени што значи висококвалитетните сорти да имаат цена од 16 денари."

Одлуката на владата за повеќе субвенции е за поздравување, вели Шаклев, забележувајки дека останува да се одреди начинот на
Тие луѓе се доведени на работ на својата социјално-економска егзистенција, тие егзистираат од лозарството и доколку тој свој производ не успеат да го пласираат и да го наплатат, тие не стекнале услови да отпочнат нов производствен циклус
распределба на парите, се` со цел земјоделците да ги имаат најголемите придобивки:

,,Уште разговараме во Министерството и денеска ќе имаме состанок во Министерството со винарските подруми за да видиме на кој начин да се разделат овие средства за корисници да бидат лозарите, а не винарските подруми."

Може да се претпостави дека лозарите од мака одлучиле да ги остават нивите и да блокираат патишта, вели професорот Христо Карталов:

,,Тие луѓе се доведени на работ на својата социјално-економска егзистенција, тие егзистираат од лозарството и доколку тој свој производ не успеат да го пласираат и да го наплатат, тие не стекнале услови да отпочнат нов производствен циклус."

Од друга страна, есенва поскапеа енергенсите и се зголемија расдходите, што секако негативно би влијаело на оној сегмент од популацијата кој не е на повисоките општествени скалила, вели професорот Карталов и додава:

,,Значи не е исклучено дека во тој сегмент ќе имаме немири и незадоволства."

Инаку, освен земјоделците, протести на Денот на независноста најавија и од Конфедерацијата на синдикални организации на Македонија. Од овој синдикат велат состојбите не се добри во синдикатите во земјата и дека постои неедиство. Тие инсистираат да се пролонгира рокот за регистрација на куќни совети со цел Владата, како што велат, да не собира пари како казна од осиромашеното население.
XS
SM
MD
LG