Достапни линкови

Претставена првата 3D фото камера


Фотографиите на новата Fujifilm FinePix камера можат да бидат отпечатени на посебна 3D хартија.

Фотографиите на новата Fujifilm FinePix камера можат да бидат отпечатени на посебна 3D хартија.

Значи ќе може да ги чуваме во семејниот фото албум или веднаш да ги гледаме на екранот вграден во камерата.

За разлика од 3D филмовите во кино салите, за овие фотографии нема да ви бидат потребни специјални очила.

Камерата на Фуџифилм зема две фотографии кои се поставени како и очите кај луѓето.

Користејќи посебна технологија, одвоените слики за левото и за десното око се испреплетуваат на избраздена површина со што се создава стереоскопична илузија.
За разлика од 3D филмовите во кино салите, за овие фотографии нема да ви бидат потребни специјални очила.

Овој метод се користи уште од четириесетите години на минатиот век, и тоа обично на некои налепници.

Станува збор за едноставни анимации, како например намигнување со окото.

Сепак, старата технологија сега се користи за голем број 3D филмови, видеоигри и билборд постери.

Во новата камера, исто така е вградена и 3D видео камера со висока дефиниција која им овозможува на корисниците да ги видат нивните домашни филмови на која било 3D телевизија.

Новиот FinePix Real 3D W3 ќе почне да се продава во почетокот на септември и ќе чини околу 400 фунти.
  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG