Достапни линкови

Измени во турскиот закон против тероризам


Турскиот Парламент денеска усвои измени на законот против тероризам со кој се ублажуваат законските одредби кои се користат за казнување на курдското малцинство поради учество во протести. Измените на законот најмногу се однесуваат на децата кои учествуваат на нелегални протести или пак имаат улога во ширењето на сепаратистичката пропаганда. Тие повеќе нема да се соочуваат со законот против тероризам, туку таквите случаи ќе му се предадат на судот за малолетници. Досега стотици курдски деца се соочиле со законот против тероризам, и се испраќани во затвор заедно со возрасните и тоа за мали престапи како фрлање на камења кон турските сили или учество на протест за подршка на Курдската работничка партија.
XS
SM
MD
LG