Достапни линкови

Еден човек, три матични броеви


Извод од матичната книга на родените на Пецо Јовановски

Извод од матичната книга на родените на Пецо Јовановски

Прилепчанецот Перо Јованоски, веќе трета година се обидува да добие валидни документи, зашто на негово име се издадени три матични броеви. Вели живее во агонија, може да ја изгуби и куќата која ја ставил под хипотека, има огромни долгови за неплатени комуналии, а згора на тоа одлежал и четири месеци затвор за дело кое што најверојатно го сторило лице кое ги користело неговите генералии.

Еден човек, два датума на раѓање и три матични броеви, ја прават бесконечна сагата на прилепчанецот Пецо Јованоски, кој по 12 години живот во странство се вратил во Македонија со намера да ги обнови документите и да почне нов живот. И се било во ред, се додека еден ден не забележал дека на личната карта и државјанството има различни матични броеви. Со намера да ја отстрани оваа грешка тој
Се појавија фирми, се појавија недоразбирања, не можеш да функционираш, не можеш да работиш, не можеш да плаќаш, ни струја, ни вода, апсолутно ништо, куќата е пишана во банката под хипотека и ете ќе ја изгубам и куќата затоа што не можам да ја плаќам.
веќе трета година чека државата да му издаде еден конечен матичен број за да може да живее и да функционира. Сега вели документите му се поништени, тој се наоѓа во агонија и не знае што да прави, без пари, без работа, само со добрината на комшиите, кои се уште му дозволуваат да се запишува во малскиот дуќан за да се прехрани.

Пецо Јовановски

„Се појавија фирми, се појавија недоразбирања, не можеш да функционираш, не можеш да работиш, не можеш да плаќаш, ни струја, ни вода, апсолутно ништо, куќата е пишана во банката под хипотека и ете ќе ја изгубам и куќата затоа што не можам да ја плаќам.“

Јованоски тврди некој го злоупотребил неговиот идентитет, па регистрирал фирма, се заборчил, а судот му пресудил нему и без вина, како што вели, издржал затворска казна од 4 месеци со обвинение дека сторил измама.

„За фирма, 4 месеци што била злоупотребена, а тоа јас немам фирма отворено, бев и во Битола и потписник е друг и фирма што е регистрирана е друг. Овде требаше да плаќам данок на општината, отидов на Суд им доставив документи, се работи за друг човек ова не е тој, ме ослободија, Скопје-не!“

За да го реши проблемот, вели постојано молел во прилепската полиција, дури ја тужел и државата, но му било сугерирано да го прекине
Барам државата да ги исправи тие работи и да ги уништи сите матични броеви и да ми се даде нов матичен број и да бидам чист граѓанин, ако тоа не заминувам Бугарија и барам спас.
спорот. Наоѓајќи се во безизлез, тој повторно инсистира државата да му издаде конечно еден матичен број за да може да продолжи со нормален живот.

„Барам државата да ги исправи тие работи и да ги уништи сите матични броеви и да ми се даде нов матичен број и да бидам чист граѓанин, ако тоа не заминувам Бугарија и барам спас.“

Револтиран на целата оваа драма што ја живее талкајќи низ лавиринтите на државните институции, Јованоски со апел до сите иселеници.

„Да си ги проверат матичните броеви, некој гласа за нив овде, ене во Бонче да појдиш, јас сум жител на Прилеп, појди Бонче, јас знам дека има да гласа, да се провери знам дека во Бонче има некој потчкртнато дека сум гласал, јас гарантирам.“

Јованоски е крајно разочаран од државната администрација. Од МВР, пак, истакнуваат дека последните шест месеци за решавање на ваквите проблеми надлежно е Министерството за правда.
  • 16x9 Image

    Моника Талеска

    Моника Талеска е дипломиран новинар на Интердисциплинарните студии по новинарство во Скопје. Од 2001-та година е дописник на Радио Слободна Европа. Освен тоа, постојан дописник е и на телевизија Телма. Работела како новинар, главен уредник и директор во поранешниот локален Центар за печат, радио и телевизија- Прилеп. 

Покажи ги коментарите

XS
SM
MD
LG