Достапни линкови

Ќе има ли кратење на платите и пензиите?


Пари и кредитни картички
Пари и кредитни картички

Власта тврди дека ребалансот на буџетот што е најавен за јуни, нема негативно да се одрази врз платите на администрацијата и пензиите. Опозицијата, пак, вели дека и минатата година власта го ветила истото, но скрати дел од капиталните инвестции во буџетот. Експертите и порачуваат на власта наместо плати и пензии да крати од непродуктивните трошоци.

Платите и пензиите не се најголемиот проблем за буџетот, велат дел од експертите и политичарите. Опозицијата стравува дека ќе се случи минатогодишното сценарио. Премиерот Никола Груевски деновиве изјави дека ребалансот на буџетот нема негативно да се одрази врз платите на администрацијата и пензиите.

Потпретседателот на опозицискиот СДСМ Зоран Јовановски вели дека Владата и минатата година вети дека нема да крати од платите и пензиите, па скрати од капиталните инвестиции. Тој вели дека таквото можно кратење ќе донесе и последици.
Значи минатата година и два ребаланса кога се правеа најмногу кратење имаше кај капиталните инвестиции. Штом се крати кај капиталните инвестиции тоа значи дека и растот директно може да биде погоден, да биде помал.


„Значи минатата година и два ребаланса кога се правеа најмногу кратење имаше кај капиталните инвестиции. Штом се крати кај капиталните инвестиции тоа значи дека и растот директно може да биде погоден, да биде помал.“

Илустрација: Пари

Поранешниот министер за финасии, Џевдет Хајредини вели дека и без да се скратат платите и пензиите има доволно непрофитабилни проекти кои може да се прекинат за да се направи успешен ребаланс.

„Има во овој буџет за кратење и без да се кратат платите и пензиите. Многу работи во буџетот на оваа влада не требало ни да бидат во буџетот, меѓутоа тие не ги кратат, како што видовме ќе одат на линеарно кратење, што е крајно не логично. Треба да се крати од 100 милиони што ги дава оваа Влада буквално за глупости, градње на музеи што не му требаат никому итн.“

Професор Зоран Ивановски вели дека доколку Владата не скрати од првиот сегмент плати и пензии ќе треба
Многу работи во буџетот на оваа влада не требало ни да бидат во буџетот, меѓутоа тие не ги кратат, како што видовме ќе одат на линеарно кратење, што е крајно не логично.
да ги намали секојдневните оперативните трошоци на корисниците на државни пари како министертвата и државните агенции и од капиталните инвестиции. Ивановски вели дека таквото кратење на буџетот треба внимателно да се направи.

„Она што сепак треба да го има Владата предвид е дека капиталните инвестиции се сепак потребна алатка, инструмент за излегување од рецесионите состојби и одговор на евентуалните последици кои Македонија ги трпи како резултат на глобалната економска криза која се одрази како намалена побарувачка во странство.“

Експертите препорачуваат Владата да размисли за други начини за обезбедување на пари за капиталните инвестииции преку приватно јавно партнерство за да го растерати буџетот. Ребелансот на буџетот е најавен за јуни. Според експертите, за да се прилагодат на приходите, во моментов буџетските расходи треба да се намалат за повеќе 100 милиони евра.
  • 16x9 Image

    Зорана Гаџовска Спасовска

    Новинарската кариера ја започна во А1 телевизија. Работела на теми од образование, социјални проблеми, здравство и екологија. Родена е на 23.09.1983 година во Скопје. Од јуни 2009-та година работи како постојан дописник за Радио Слободна Европа од Скопје.

XS
SM
MD
LG