„Мириса“ ли барутот повторно во Македонија? Може ли да се повтори воената криза од 2001-та? Дали власта ги провоцира македонските Албанци? Дали власта го оттргнува вниманието на граѓаните од неуспесите и неисполнувањето на ветувањата во економијата и во политиката? Ова, покрај другите, се прашањата на кои се обидуваат да одговорат анализите во домашните неделни списанија. „Англиско танго и игри на граница“ е насловот на анализата во Форум, кој забележува дека последните акции во кои полицијата откри поголемо количество оружје го отворија прашањето за стабилноста на земјата. Контролирана криза или неконтролирана политика – прашува неделникот, за да напише дека дилемава, засега, нема одговор, затоа што власта најавува дека ќе продолжи ловот на криминалците и на оружјето. Опозицијата го повикува Груевски да го подобри квалитетот на меѓуетничките односи, САД и ЕУ го губат трпението, па го притискаат премиерот да го реши проблемот со името и подготвен да го пречека ноемврискиот самит на НАТО, но и да има адут за почетокот на преговори за членство во Унијата. Груевски сега е помеѓу чеканот и наковалната, да го смени името и да ја изгуби власта, или да ја изгуби безбедноста за да остане на власт, заклучува Форум.
Изрешетаното комбе од инцидентот кај Радуша
Глобус пишува за „Рафалното менаџирање на меѓуеничките односи“ и прашува дали беше неопходно ситуацијата да се радикализира до тој степен – полицијата да ги вади од оган жешките костени на импотентната политика, којашто потфрла на планот на хармонизирањето на меѓуетничките односи, стабилизацијата на економската ситуација и решавањето на спорните прашања во надворешната политика. Македонија ќе нема време за јалови дебати на тема кој го пушти духот, откако шишето ќе го срчосаат неодговорните политички лидери и аздисаните радикали на обете страни! – предупредува Глобус. Во анализата за безбедносната состојба во земјава, Глобус смета дека Никола Груевски и неговите послушници од „семејното“ раководство на ВМРО-ДПМНЕ, навистина се контролори на македонскиот хаос – ја имаат целосната контрола над стрмоглавувањето на Македонија!
И Фокус се занимава со истава тема. Неделникот уште во насловот наметнува дилема дали акцијата кај скопско Радуша била „наместена“ или не: „Прилепско комби во Радуша е таман толку можно, колку што е можно и тетовско среде мариовско!“ Неделникот натаму пишува дека нема сомневање дека Харун Алиу и неговите сопатници во белото комби се тешки криминалци со кои полицијата и требало да се справува, но, прашањето е дали имаат основа сомневањата на многу Албанци и на ДПА дека во акцијата е направена класична ликвидација на криминалците, наместо нивно затворање? Од друга страна, забележува Фокус, Груевски ги зачестува ваквите акции за да го запре бавниот, но сигурен пад на рејтингот на ВМРО-ДПМНЕ пред роденденот на почетокот на јуни, кога според Фокус, се очекува најава за нови избори и симболична реприза на 15 септември 2002 година.
Англиско танго и игри на граница.
Глобус пишува за „Рафалното менаџирање на меѓуеничките односи“ и прашува дали беше неопходно ситуацијата да се радикализира до тој степен – полицијата да ги вади од оган жешките костени на импотентната политика, којашто потфрла на планот на хармонизирањето на меѓуетничките односи, стабилизацијата на економската ситуација и решавањето на спорните прашања во надворешната политика. Македонија ќе нема време за јалови дебати на тема кој го пушти духот, откако шишето ќе го срчосаат неодговорните политички лидери и аздисаните радикали на обете страни! – предупредува Глобус. Во анализата за безбедносната состојба во земјава, Глобус смета дека Никола Груевски и неговите послушници од „семејното“ раководство на ВМРО-ДПМНЕ, навистина се контролори на македонскиот хаос – ја имаат целосната контрола над стрмоглавувањето на Македонија!
И Фокус се занимава со истава тема. Неделникот уште во насловот наметнува дилема дали акцијата кај скопско Радуша била „наместена“ или не: „Прилепско комби во Радуша е таман толку можно, колку што е можно и тетовско среде мариовско!“ Неделникот натаму пишува дека нема сомневање дека Харун Алиу и неговите сопатници во белото комби се тешки криминалци со кои полицијата и требало да се справува, но, прашањето е дали имаат основа сомневањата на многу Албанци и на ДПА дека во акцијата е направена класична ликвидација на криминалците, наместо нивно затворање? Од друга страна, забележува Фокус, Груевски ги зачестува ваквите акции за да го запре бавниот, но сигурен пад на рејтингот на ВМРО-ДПМНЕ пред роденденот на почетокот на јуни, кога според Фокус, се очекува најава за нови избори и симболична реприза на 15 септември 2002 година.
