Достапни линкови

Пораст на дрвокрадството во Прилепско


Шумска полиција
Шумска полиција

Дрвокрадството во Прилепско повторно зема замав. Според информациите од шумската полиција, најкритична е состојбата на потегот Бабуна-Стровија каде организирано оперираат дрвокрадци кои живеат во долненските села и кои организирано во групи вршат бесправна сеча.

И покрај правосилните судски решенија, казните не можат да се извршат зашто дрвокрадците се вешти, па немаат недвижен имот на нивно име. Нивното непочитување на законите и самоволие оди до таа мера што не ретко ја напаѓаат и шумската полиција, а во последниот инцидент уништено е службеното возило и полесно се повредени двајца полицајци.

„Дрварите директно се удрија во патничкото моторно возило на два пати и после тоа откако го онеспособија патничкото моторно возило
Шумска полиција
за возење се дадоа во бегство. Повредените што ни беа двајцата полицијаци ги однесовме во брза помош. Ова е истото моторно возило
Во шумско полициска станица ние сме веќе 16 души, ама не сме опремени со потребна опрема што треба да ја поседуваме. Ни недостигаат пиштоли, лично вооружување ни недостига и униформи не недостигаат, сега веќе трите возила се уништени и не можеме да излегуваме на терен.
ТАМ 2001“, вели командирот Илија Спиркоски.

Тој додава дека животот на шумските полицајци е се повеќе ставен на ризик. Затоа што прилепската единица е кадровски екипирана, но затоа пак не е ниту доволно технички опремена, ниту вооружена, а секој ден речиси е на терен и во директен конфликт со се поагресивни дрвокрадци.

„Во шумско-полициска станица ние сме веќе 16 души, ама не сме опремени со потребна опрема што треба да ја поседуваме. Ни недостигаат пиштоли, лично вооружување, ни недостига и униформи не недостигаат, сега веќе трите возила се уништени и не можеме да излегуваме на терен.“

И покрај тоа, вели Спиркоски, екипите деноноќно се на терен, а само лани одземени се многу дрва, возила, пили и други реквизити од лицата кои го спроведуваат и натам овој вид организиран криминал, а со цел да остварат личен профит.

„Штетите се многу големи, имаме 600 метри просторни што се одземени. Товарни моторни возила имаме околу 15-тина и имаме околу 120-130 лесни коли.“

Како последица на дрвокрадството во Прилепско се појави свлечиште во близина на Дервен, се заканува ерозија на земјиштето над вештачкото езеро, соголени се и други локации. Со цел да се спречи оваа појава надлежните предлагаат глобата како најчеста казна за дрвокрадците да се заменува со казна затвор. Така велат сигурно ефектите од судските казни ќе бидат поголеми.
  • 16x9 Image

    Моника Талеска

    Моника Талеска е дипломиран новинар на Интердисциплинарните студии по новинарство во Скопје. Од 2001-та година е дописник на Радио Слободна Европа. Освен тоа, постојан дописник е и на телевизија Телма. Работела како новинар, главен уредник и директор во поранешниот локален Центар за печат, радио и телевизија- Прилеп. 

XS
SM
MD
LG